ޕީއެސްއެމްގެ ޗެއަރއަކަށް ހިލްމީ ބޯޑު މެމްބަރަކަށް މަރިޔަމް ވަހީދާ
ޕީއެސްއެމްގެ ބޯޑަށް އިތުރު ބަދަލުތަކެއް ގެނެސްފިއެވެ.
އެގޮތުން ޕީއެސްއެމްގެ ބޯޑުގެ ޗެއަރމަނަކަށް ތ ވިލިފުށި ހުސްނުހީނާގޭ އިބްރާހީމް ހިލްމީ އަންޔަންކުރައްވައިފިއެވެ. އިބްރާހިމް ހިލްމީއަކީ ޕީއެސްއެމްގެ ފުރަތަމަ ބޯޑުގައި ހިމެނިވަޑައިގެން އޭރުގެ ބޯޑުގެ ވައިސް ޗެއަރމަންއެވެ.
ޕީއެސްއެމްގެ ބޯޑަށް އިތުރު މެންބަރެއްގެ ގޮތުން އައްޔަންކުރައްވާފައިވަނީ ގ. ހިލްމަން މަރިޔަމް ވަހީދާއެވެ. މަރިޔަމް ވަހީދާ ވަނީ ޕީއެސްއެމްގެ ކުރިން ދިވެހިރާއްޖޭގެ އަޑާއި ޓެލްވިޒަން މޯލްޑިވްސް ހިންގަމުން ގެންދިޔަ މޯލްޑިވްސް ބްރޯޑްކާސްޓިން ކޮމިޝަންގެ ބޯޑު މެމްބަރުކަންވެސް ކުރައްވާފައިވެއެވެ.
މަރިޔަމް ވަހީދާ ވަނީ އެންމެ ފަހުން އައްޔަން ކުރެވުނު ބްރޯޑްކާސްޓިންގ ކޮމިޝަންއަށް ކުރިމަތި ލައްވާފައެވެ. ނަމަވެސް މަޖިލީހުން މަރިޔަމް ވަހީދާއަށް ރުހުން ނުދިނުމުން އޭނާ ވަނީ ބޯޑަށް އައްޔަން ނުކުރެވިއެވެ. މިއީ އޭރު ގިނަ ބައެއްގެ ފާޑުކިޔުން އަމާޒްވިކަމެއްކަން ވެސް ފާހަގަކޮށްލަންޖެހެއެވެ.
ޕީއެސްއެމްގެ ބޯޑަށް ގެނައި ބަދަލުތަކާއި ބޯޑްގައި މިހާރު ހިމެނިވަޑައިގަންނަވާ ބޭފުޅުންނަކީ ޗެއަރމަން އިބްރާހިމް ހިލްމީ، ކުންފުނީގެ މެނޭޖިންގ ޑިރެކްޓަރ އަލީ ހާލިދު، ޑެޕިއުޓީ މެނޭޖިންގ ޑިރެކްޓަރ މުހައްމަދު ޝަމީމް އަދި ބޯޑް މެމްބަރު މަރިޔަމް ވަހީދާއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
