އޮސްޓްރޭލިޔާގެ ޚާރިޖީ ވަޒީރު ޕެނީ ވޮންގް-
އޮސްޓްރޭލިޔާގެ ޚާރިޖީ ވަޒީރު ޕެނީ ވޮންގް-
ދުނިޔެ 18 Nov 2026 | 08:44

އިސްރާއީލުގެ މީހުންނާއި، ޖަމާޢަތްތަކަށް އޮސްޓްރޭލިޔާއިން ދަތިކުރުމުގެ ފިޔަވަޅު އަޅައިފި

އިސްރާއިލުން، ފަލަސްޠީނުގެ ހުޅަނގު އައްސޭރީގައި ބިން ފޭރުން އިތުރުކުރަމުންދާ މައްސަލައާ ގުޅިގެން، އިސްރާއީލުގެ ތިން ފަރުދަކަށާއި ހަތަރު ޖަމާޢަތަކާ ދެކޮޅަށް އޮސްޓްރޭލިޔާ ސަރުކާރުން ދަތިކުރުމުގެ ފިޔަވަޅު އަޅައިފިއެވެ.

އޮސްޓްރޭލިޔާއިން ބުދަ ދުވަހު މި ފިޔަވަޅު އަޅާފައިވަނީ ހުޅަނގު އައްސޭރީގައި ޣައިރުޤާނޫނީ ގޮތުން ގެދޮރު ބިނާކުރުމުގައި ބައިވެރިވާ އިސްރާއީލުގެ އަށް ކޮންސްޓްރަކްޝަން ކުންފުންޏަކަށް އިނގިރޭސިވިލާތުން ވެސް ފިޔަވަޅު އެޅިތާ އެއް ދުވަސް ފަހުންނެވެ.

އޮސްޓްރޭލިޔާގެ ޚާރިޖީ ވަޒީރު ޕެނީ ވޮންގް ނެރުއްވި ބަޔާނެއްގައި ވިދާޅުވީ، ފިޔަވަޅު އެޅި ފަރާތްތަކަކީ އާ ވަޒަންވެރިވުންތައް ރޭވުމާއި، ވިލަރެސްކުރުމާއި، ގާއިމުކުރުމުގެ އިތުރުން ފަންޑު ހޯދުމާއި، ވޮލަންޓިއަރުން ނެރުމާއި، އަނިޔާވެރި ވަޒަންވެރިންނަށް އެހީތެރިކަން ފޯރުކޮށްދިނުމުގައި ޢަމަލީ ގޮތުން ބައިވެރިވާ ފަރާތްތައް ކަމަށެވެ. އަދި މިފަދަ ޢަމަލުތަކުގެ ސަބަބުން ސުލްހަ ޤާއިމުކުރުމަށް އޮތް ފުރުޞަތު އެއްކޮށް ގެއްލިގެންދާ ކަމަށް ވެސް އޭނާ ފާހަގަކުރެއްވިއެވެ.

ފިޔަވަޅު އެޅި ފަރާތްތަކުގެ ތެރޭގައި ޣައިރުޤާނޫނީ ވަޒަންވެރިންގެ ޖަމާޢަތެއް ކަމަށްވާ "ނަޚާލާ" ގެ ލީޑަރު އަދި ޣައްޒާއިން ފަލަސްޠީނު ރައްޔިތުން ގަދަކަމުން ބޭރުކުރުމަށް ވަކާލާތުކުރާ ޑެނިއެލާ ވެއިސް ހިމެނެއެވެ. މީގެ އިތުރުން އަމިއްލަ ކޮންސްޓްރަކްޝަން ކުންފުންޏެއް މެދުވެރިކޮށް ހުޅަނގު އައްސޭރީގައި ޣައިރުޤާނޫނީ އާބާދީތައް ހަލުވިކަމާއެކު ފުޅާކުރަމުންދާ އެލިއާވް ލީބީ ވެސް ހިމެނެއެވެ. މި ފިޔަވަޅުތަކުގެ ދަށުން، އޮސްޓްރޭލިޔާގެ ރައްޔިތުންނާއި ވިޔަފާރިތަކުން މި ފަރާތްތަކާއެކު މުޢާމަލާތްކުރުމާއި އެހީތެރިކަން ދިނުން ވަނީ މަނާކޮށްފައެވެ.

ޚާރިޖީ ވަޒީރު ވޮންގް އިތުރަށް ވިދާޅުވީ، ހުޅަނގު އައްސޭރި ދެބައިކޮށް، އިރުމަތީ ޤުދުސާ އެ ސަރަޙައްދު ވަކިކޮށްލާ "އީ1" މަޝްރޫޢުގެ ސަބަބުން ފަލަސްޠީނުގެ މުސްތަޤުބަލުގެ ދައުލަތެއް އުފެދުމުގެ އުންމީދުތައް ވިއްސިވިއްސިވެގެންދާ ކަމަށެވެ. އަދި އޮސްޓްރޭލިޔާއިން ގެންގުޅޭ މި ސިޔާސަތާ ގުޅޭގޮތުން އިސްރާއީލުގެ ޚާރިޖީ ވަޒީރު ގިޑިއޯން ސާރއާ ވާހަކަދައްކައި، ޣައިރުޤާނޫނީ ވަޒަންވެރިވުންތަކާ ދެކޮޅުކަން ސާފުކޮށްދެއްވާފައިވާނެ ކަމަށް ވެސް ވިދާޅުވިއެވެ.

ހުޅަނގު އައްސޭރީގައި ޔަހޫދީން ވަޒަންވެރިކުރުމަކީ ބައިނަލްއަޤްވާމީ ޤާނޫނުތަކާއި އދ. ގެ ނިންމުންތަކާ ކަނޑައެޅިގެން ޚިލާފު ޢަމަލެކެވެ. ނަމަވެސް، ޔަހޫދީ ވަޒަންވެރިން ދަނީ އެތަނުގައި ވަޒަންވެރިވެ، ފަލަސްޠީނު ރައްޔިތުންނަށް އަމާޒުކޮށް ލާއިންސާނީ ޙަމަލާތައް ދެމުންނެވެ. މިގޮތުން މި ހަފުތާގައި ވެސް ޖެރިކޯގައި 72 އަހަރުގެ ފަލަސްޠީނުގެ އަންހެނެއްގެ ގަޔަށް ބަޑިޖަހައި ވަނީ ޝަހީދުކޮށްލާފައެވެ.

ފަލަސްޠީނުގެ ރަސްމީ ހިސާބުތައް ދައްކާގޮތުން، 2023 ވަނަ އަހަރުގެ އޮކްޓޫބަރު މަހުން ފެށިގެން މިއަދާ ހަމައަށް ހުޅަނގު އައްސޭރީން އެކަނިވެސް އިސްރާއީލު ސިފައިންނާއި ހައްދުފަހަނައެޅި ވަޒަންވެރިން ވަނީ 1,220 އަށްވުރެ ގިނަ ފަލަސްޠީނު ރައްޔިތުން ޝަހީދުކޮށް، 13,746 އަށްވުރެ ގިނަ މީހުން ޒަޚަމްކޮށްލާފައެވެ. އަދި މި މުއްދަތުގެ ތެރޭގައި 26,000 އަށްވުރެ ގިނަ ފަލަސްޠީނު ރައްޔިތުން ވަނީ ހައްޔަރުކޮށް، ޣައިރުޤާނޫނީ ގޮތުގައި ގެންގޮސްފައެވެ.

ތ

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ލަންކާ ފުލުހުންގެ ޔުނިފޯމަށް ބަދަލު ގެންނަނީ؛ ކެނެޑާގެ ޔުނިފޯމާ އެއްގޮތް ޑިޒައިނަކަށް ވެދާނެ: ރިޕޯޓް
18 Nov 2026 ދުނިޔެ

ލަންކާ ފުލުހުންގެ ޔުނިފޯމަށް ބަދަލު ގެންނަނީ؛ ކެނެޑާގެ ޔުނިފޯމާ އެއްގޮތް ޑިޒައިނަކަށް ވެދާނެ: ރިޕޯޓް

އެ ގައުމުގެ "ޑެއިލީ ނިއުސް" ނޫހުން ރިޕޯޓުކޮށްފައިވާ ގޮތުގައި، އަލަށް ތައާރަފުކުރުމަށް ވިސްނަމުންދާ ޔުނިފޯމުތަކުގެ ތެރޭގައި ހިމެނެނީ އަޅި ކުލައިގެ ގަމީހަކާއި ނޫ ކުލައިގެ ފަޓުލޫނެކެވެ. މިއީ ކެނެޑާގެ ފުލުހުން ބޭނުންކުރާ ޔުނިފޯމާ ވަރަށް އެއްގޮތް ޑިޒައިނެއް ކަމަށް ވެސް އެ ނޫހުގައި ބަޔާންކޮށްފައިވެއެވެ.

ޗައިނާގެ އަސްކަރީ ތަމްރީންތަކަކީ ބިރު ދެއްކުމަށް ކުރާ ކަމެއް: ޓައިވާން
18 Nov 2026 ދުނިޔެ

ޗައިނާގެ އަސްކަރީ ތަމްރީންތަކަކީ ބިރު ދެއްކުމަށް ކުރާ ކަމެއް: ޓައިވާން

ޓައިވާން ސަރަހައްދުގައި ޗައިނާއިން މިމަހު ހިންގި ތަމްރީނުތަކުގައި 100 އަށްވުރެ ގިނަ އަސްކަރީ އަދި ކޯސްޓްގާޑް އުޅަނދުތައް ބޭނުންކޮށްގެން، ޓައިވާނާއި އެހެން ތަންތަނަށް ހަމަލާދޭނެ ގޮތުގައި ތަމްރީނުތަކެއް ހެދިކަމަށް ޓައިވާން އޮފިޝަލުންނާ ހަވާލާދީ ރޮއިޓަރސް އިން ވަނީ ރިޕޯޓްކޮށްފައެވެ

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު
15 Nov 2026 ހަބަރު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް: ރައީސް މުޢިއްޒު

ޕަލަސްތީނުގެ މިނިވަން ދައުލަތް ޤާއިމުކުރެވެންވާނީ 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ އެ ޤައުމުގެ ވެރިރަށް ކަމުގައި ކަނޑައަޅައިގެން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ
14 Nov 2026 ދުނިޔެ

ފަލަސްތީނުގެ ހުޅަނގު އައްސޭރީގައި އިތުރު 895 ޔަހޫދީ އާބާދީ ޔުނިޓް އިސްރާއީލުން އަޅަނީ

ފަލަސްތީނުގެ ރަސްމީ ނޫސް އެޖެންސީ، ވަފާއާ ހަވާލާދީ 'ކޮލޮނައިޒޭޝަން އެންޑް ވޯލް ރެސިސްޓެންސް ކޮމިޝަން' އިން މިކަން ވަނީ ކަށަވަރުކޮށްދީފައެވެ.

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް
12 Nov 2026 ދުނިޔެ

ޣައްޒާގެ ނާސިރު މެޑިކަލް ކޮމްޕްލެކްސްއަށް އިސްރާއީލުން ދިން ހަމަލާއަކީ ހަނގުރާމައިގެ ޖަރީމާއެއް: ހަމާސް

އިސްރާއީލުން ދިން މި ހަމަލާގައި 6 މީހަކު ޝަހީދުވެ، މަދުވެގެން 20 މީހަކު ވަނީ ޒަހަމްވެފައެވެ.

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި
12 Nov 2026 ހަބަރު

އިސްރާއީލުން ޣައްޒާގެ މެޑިކަލް ކޮމްޕްލެކްސްއަކަށް ހަމަލާދީފި: އެކި ސަރަޙައްދުތަކުން 9 މީހުން ޝަހީދުކޮށްލައިފި

އިސްރާއީލުގެ ޓެރަރިސްޓް އިސްތިއުމާރީ ބާރުތަކުން ޣައްޒާގެ އެކި ސަރަޙައްދުތަކަށް ދިން ވަރުގަދަ ޙަމަލާތަކެއްގައި މަދުވެގެން ފަލަސްޠީނުގެ 9 މީހަކު ޝަހީދުކޮށްލައިފިއެވެ. މި ޙަމަލާތައް ދީފައި މިވަނީ، ޣައްޒާއަށް ބޯކޮށް ވާރޭވެހި ފެންބޮޑުވުމުގެ ސަބަބުން ޙާލުގައި ޖެހިފައިވާ އެތައް ލައްކަ ރައްޔިތުންނަށް ފެން ނުވަންނަ ފަދަ ޓެންޓުތައް ފޯރުކޮށްދިނުމަށް އދ. އިން އިލްތިމާސެއް ކޮށްފައިވާ ދަނޑިވަޅެއްގައެވެ.

ޣައްޒާގައި ބިންގަނޑު ކަނޑައިގެން ގޮސް ޓެންޓުތަކަކަށް ވެއްޓި، އަންހެނަކާއި ތިން ކުޑަކުދިން ނިޔާވެއްޖެ
10 Nov 2026 ދުނިޔެ

ޣައްޒާގައި ބިންގަނޑު ކަނޑައިގެން ގޮސް ޓެންޓުތަކަކަށް ވެއްޓި، އަންހެނަކާއި ތިން ކުޑަކުދިން ނިޔާވެއްޖެ

މި ހާދިސާގައި ނިޔާވީ އަންހެނަކާއި އޭނާގެ 8 އަހަރާއި 6 އަހަރުގެ ދެ ދަރިންގެ އިތުރުން 4 އަހަރުގެ އެހެން ކުއްޖެކެވެ. މީގެއިތުރުން އިތުރު ހަ މީހަކު ވަނީ ޒަޚަމްވެފައެވެ.

ޖަރުމަނުގެ ޕާލިމަންޓު ކުރިމަތީގައި ހުރި ދިދަ ތިރިކޮށް، ފަލަސްތީނުގެ ދިދަ ނަގައިފި
08 Nov 2026 ދުނިޔެ

ޖަރުމަނުގެ ޕާލިމަންޓު ކުރިމަތީގައި ހުރި ދިދަ ތިރިކޮށް، ފަލަސްތީނުގެ ދިދަ ނަގައިފި

ޖަރުމަނުވިލާތުގެ ސަރުކާރުން އިސްރާއީލަށް ތާއީދުކޮށް ގެންގުޅޭ ސިޔާސަތުތަކާއި، ޣައްޒާގައި ހިންގަމުންދާ ހަނގުރާމައިގެ ޖަރީމާތަކާ ދެކޮޅަށް އެ ގައުމުން އަޑުއުފުލުމެއް ނެތި ހިމޭނުން އޮންނާތީ އެކަމާ ދެކޮޅުހެދުމުގެ ގޮތުން، އެ ގައުމުގެ ޕާލިމަންޓު ކުރިމަތީގައި ހުރި ދިދަދަނޑީގައި ނަގާފައި ހުރި ޖަރުމަނުގެ ދިދަ ތިރިކޮށް، އެކްޓިވިސްޓުން ފަލަސްތީނުގެ ދިދަ ނަގައިފިއެވެ.