މޫސުން އިތުރަށް ގޯސްވެ ކ އިން އދ އަތޮޅަށް އަށް އޮރެންޖު އިންޒާރު!

ރާއްޖޭގެ އެކި ހިސާބުތަކަށް މިހާރު ކުރަމުންދާ ވިއްސާރައިގައި، މޫސުން އިތުރަށް ގޯސްވާނެ ކަމަށް ލަފާކޮށް، މޫސުމާއި ބެހޭ އިދާރާ (މެޓް އޮފީސް) އިން ކ އަތޮޅުން ފެށިގެން އދ އަތޮޅާއި ދެމެދުގެ ރަށްތަކަށް އޮރެންޖު ސަމާލު ނެރެފިއެވެ.

މެޓް އޮފީހުން ބުނީ، މި ސަރަހައްދުތަކަށް މިއަދު ގެ މެންދުރު 14:15 އިން ފެށިގެން އިރުއޮއްސި 18:15 އާއި ހަމައަށް ގުގުރުމާއި އެކު ބޯކޮށްވާރޭ ވެހޭނެ ކަމަށް ލަފާ ކުރާ ކަމަށެވެ.

މީގެ އިތުރުންވެސް މެޓް އޮފީހުން ވަނީ މިއަދު މެންދު 12:30 އިން ފެށިގެން މިއަދު އިރުއޮއްސި 18:15 އާއި ހަމައަށް ކ އަތޮޅުން ފެށިގެން އައްޑޫ ސިޓީއާއި ހަމައަށް ހުދު ސަމާލު ނެރެފައެވެ. އެގޮތުން މި ވަގުތުގެ ތެރޭގައި މި ސަރަހައްދަށް ބޯކޮށް ވާރޭވެހި ގުރުރުމާއިއެކު، ވިލާގަނޑުގައި 40 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ.

ހަމައެއާއިއެކު، ބޯކޮށް ވާރޭވެހި، ގަޑިއަކު 25 މޭލާއި 30 މޭލާއި ދެމެދަށް ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވާނެކަމަށާއި، ކަނޑުތައް ވަރަށް ގަދަވާނެ ކަމަށް ލަފާކޮށް އެ އިދާރާއިން ވަނީ ހއ އަތޮޅުން ފެށިގެން އދ އަތޮޅާއި ހަމައަށް މިއަދު މެންދުރު 13:00 އިން ފެށިގެން މިއަދު ހަވީރު 17:00 އާއި ހަމައަށް ރީނދޫ ސަމާލު ވެސް ނެރެފައެވެ.