އަދީބު ރާއްޖެއަށް ގެނައުމުގެ މަސައްކަތް މިދަނީ ކުރަމުން: ފުލުހުން
ކުރީގެ ނައިބު ރައީސް އަހުމަދު އަދީބު ރާއްޖެއަށް އަނބުރާ ގެނައުމުގެ މަސައްކަތް ކުރަމުންދާ ކަމަށް މޯލްޑިވްސް ޕޮލިސް ސާރވިސްއިން ބުނެފިއެވެ.
ފުލުހުން މިއަދު ނެރުނު ބަޔާނެއްގައި ބުނީ އެމްއެމްޕީއާރްސީގެ ޚިޔާނާތުގެ މައްސަލައަކާއި ގުޅިގެން އިއްޔެ މެންދުުރުފަހު 14:00ގައި ތަހުގީގަށް ހާޒިރުވުމަށް އަދީބުގެ މައްޗަށް އެންގި ނަމަވެސް އޭނާ ހާޒިރުވެފައި ނުވާ ކަމަށެވެ.
އަދި އޭނާ ޕާސްޕޯޓު ހިފެހެއްޓުމަށް ސުޕްރީމް ކޯޓުން އަމުރު ނެރެފައި ވަނިކޮށް، ފިލައިގެން ކަނޑުމަގަށް ދިޔަ މަގުމަތީގައި ރާއްޖެއިން ބޭރުން ހިފެހެއްޓި ކަމަށް ވަނީ ބުނެފައެވެ.
ފުލުހުން އިތުރަށް ބުނީ އޭނާ ރާއްޖެއަަށް އަނބުރާ ގެނައުމުގެ މަސައްކަތް އެކުވެރި ގައުމުތަކާއި ގުޅިގެން ކުރަމުން އަންނަކަމަށެވެ.
އަދި އެކަމުގައި އެހީވި ފަރާތްތަަކުގެ މައްސަލަ ތަހުގީގުކޮށް ގާނޫނީގޮތުން ފިޔަވަޅު އަޅާނެކަމަށްވެސް ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
