2026ވަނަ އަހަރުން ފެށިގެން ދިރާސީ އައު އަހަރު ޖެނުއަރީގައި ފަށާ ގޮތަށް ބަދަލުކޮށްފި
2026 ވަނަ އަހަރުން ފެށިގެން ދިރާސީ އާ އަަހަރުގެ ކިޔެވުން ޖެނުއަރީގައި ފަށާ ގޮތަށް ސަރުކާރުން ނިންމައިފިއެވެ.
މިކަން ސަރުކާރުން ހާމަކޮށްފައިވާނީވމިއަދުގެ ކެބިނެޓް ބައްދަލުވުމުގެ ނިންމެވި ނިންމުންތަކާއި ގުޅޭގޮތުން މަޢުލޫމާތު ދެއްވުމަށް ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން، ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުالله ނާޒިމް އިބްރާހީމެވެ.
2025 ވަނަ އަހަރު ޑިސެމްބަރު މަހު ބޮޑު ޗުއްޓީި ލިބޭނެ.. އެއާއެކު 2026 ވަނަ އަހަރުގެ އެކެޑެމިކް ކަލަންޑަރު ފެށިގެންދާނީ ޖެނުއަރީ މަހުގައި އާއްމުކޮށް ކުރިންވެސް ފަށަމުންދިޔަ އުސޫލަށް. އޭގެ މާނަ އަކީ ޖުލައި މަހު 3 ހަފްތާގެ ޗުއްޓީއެއް. އަދި ޑިސެމްބަރު މަހު 4 ހަފްތާގެ ޗުއްޓީއެއް. ރޭވިގެން ދާނެ.
ޢަބްދުالله ނާޒިމް އިބްރާހީމް
ނާޒިމް ވިދާޅުވީ، ދިރާސީ އައު އަހަރު ބަދަލު ކުރުމުގެ ކަންކަން ދާނީ ކުއްލި އަކަށް ނޫން ކަމަށާ، އެކަން ކުރިއަށް ގެންދާނީ އޭގެ ސަބަބުން ބެލެނިވެރިންނާއި ދަރިވަރުން އަދި ޓީޗަރުންނަށް ވެސް ދަތިތަކާއި ކުރިމަތިނުވާ ގޮތަށް ތައުލީމީ ކަލަންޑަރަށް މަދު މަދުން ގެނެވޭ ކުދި ބަދަލު ތަކާއި އެކުގައި ކަމަށެވެ.
އަދި އެކަމުގެ ސަބަބުން ދަރިވަރުންގެ ކިޔެވުމަށް ގޮންޖެހުންތަކެއް ނޫނީ އުނދަގޫތަކެއް ކުރިމަތި ނުވާނެ ކަމަށްވެސް އޭނާ ވިދާޅުވި އެވެ.
މިބަދަލާއި ގުޅޭ ތަފްސީލް ވަރަށް އަވަހަށް އެޑިއުކޭޝަން މިނިސްޓްރީން ހާމަކުރާނެ ކަމަށް ނާޒިމް ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
