ވާދަވެރިކަމެއް ނެތި، ޕްރައިމަރީ އަކާ ނުލައި ޑިމޮކްރެޓްސްގެ ޓިކެޓް 37 ފަރާތަކަށް!

މާޗުމަހު އޮންނަ ރައްޔިތުންގެ މަޖިލީހުގެ އިންތިޚާބުގައި، ޑިމޮކްރެޓްސް ގެ ޓިކެޓްގައި ވާދަކުރުމަށް ބޭނުންވާ ކެންޑިޑޭޓުންނަށް އެ ފުރުސަތު ހުޅުވާލުމުން، އެއްވެސް ވާދަވެރިކަމެއްނެތި، ޕްރައިމަރީ އަކާއި ނުކައި 37 ބޭފުޅުންނަށް ޓިކެޓް ކަށަވަރު ވެއްޖެއެވެ.

ޑިމޮކްރެޓްސް އިން ބުނެފައިވާގޮތުން، ޕްރައިމަރީގައި ވާދަކުރުމުގެ ފުރުޞަތު އާދީއްތަދުވަހު ހަމަވިއިރު، ޓިކެޓް ހޯދުމަށް އެދި ހުށަހެޅީ އެންމެ 41 ދާއިރާއަކަށް 46 ކެންޑިޑޭޓުންކަމަށް އެ ޕާޓީން ރޭ ވަނީ ބުނެފައެވެ. އޭގެތެރޭގައި ހިމެނެނީ 13 އަންހެނުންނާއި 33 ފިރިހެނުންކަމަށްވެސް ބުނެފައިވެއެވެ.

އަދި 37 ދާއިރާއަކަށް ކުރިމަތިލީ އެންމެ ކެންޑިޑޭޓެއް ކަމުން ކަމުން ޕްރައިމަރީ އޮންނާނީ ހަތަރު ދާއިރާ އެއްގައި ކަމަށްވެސް ބުނެފައިވެއެވެ .

އެއީ:

ކެލާ ދާއިރާ

1. މަރިޔަމް ޙަނީފާ ޚާލިދު (ހަނީ) - އަނބުގަސްދޮށުގެ / ހއ. ކެލާ

2. ފަތުޙުالله އިސްމާޢީލް - ފީރޯޒްގެ / ހއ.ކެލާ

ކަނޑިތީމު ދާއިރާ

1. އަޙްމަދު ރައިސަމް - ހެޕީހައުސް / ށ. ފެދޫ

2. ޢަލީ ނިފާޒް މުޙައްމަދު – ހުޅުމާލެ، ހިޔާ 04-06-3 / މާލެ

ހުޅުމާލެ ދެކުނު ދާއިރާ

1. ޙަސަން އަޤީލް (ހުޅުމާލެ ހަވަރު ހަސަން) - ހުޅުމާލެ، ހިޔާ 8-8-06 / މާލެ

2. ޙުސައިން ފިރުޝާން - މަރިޔާޒުގެ / ގދ. ހޯނޑެއްދޫ

3. މުޙައްމަދު ފައިޞަލް - ގ.ރެންޑަވޫޒް / މާލެ

ހެންވޭރު ދެކުނު ދާއިރާ

1. އަޙްމަދު އަސްވަން ނުޢުމާން - ހ. އެފޯނިޔަމްގެ 1 / މާލެ

2. މުޙައްމަދު ސައިފް ފާތިޙް (އައިކޮ) - ހ. ހާގޯށި / މާލެ

ޕްރައިމަރީ ނެތި ޑިމޮކްރެޓްސް ޓިކެޓް ލިބުނު މީހުންގެ ތެރޭގައި މިހާރު ވެސް މަޖިލީހުގައި ހިމެނޭ މެންބަރުންނާއި އެ ޕާޓީގެ އިސް ބައެއް ބޭފުޅުން ވެސް ހިމެނެ އެވެ. އޭގެ ތެރޭގައި:

1.އީވާ އަބްދުالله - ގަލޮޅު އުތުރު ދާއިރާ

2.އިމްތިޔާޒް ފަހްމީ - މާފަންނު އުތުރު ދާއިރާ

3.މުހައްމަދު ޝިފާޒް(ޝިއްޕެ) - އުނގޫފާރު ދާއިރާ

4.މުހައްމަދު ވަހީދު - އިނގުރައިދޫ ދާއިރާ

5.އަހްމަދު ޒާހިރު - ގައްދޫ ދާއިރާ

6.އަހްމަދު ރަޝީދު - ހިތަދޫ މެދު ދާއިރާ

7.އަލީ އާޒިމް - މެދު ހެންވޭރު ދާއިރާ

8.އިސްމާއީލް ޒަރިޔައްދު - ގަލޮޅު ދެކުނު ދާއިރާ

9.ހުސައިން އަމްރު - މައްޗަންގޮޅީ އުތުރު ދާއިރާ

10.އިބްރާހިމް ރަޝީދު - މާފަންނު މެދު ދާއިރާ

11.ހަސަން ލަތީފް - ހެންވޭރު ހުޅަނގު ދާއިރާ

ޑިމޮކްރެޓްސްގެ ޕްރައިމަރީ އޮންނާނީ އަންނަ ހޮނިހިރު ދުވަހު އެވެ.