ހައްޖާއި އުމްރާގެ މައުލޫމާތު ފޯރުކޮށްދިނުމަށް އިސްލާމިކް މިނިސްޓްރީން އެޕެއް ތައާރަފްކޮށްފި
ޢުމްރާގެ މައުލޫމާތު ފޯރުކޮށްދިނުމުގެ ގޮތުން އިސްލާމިކް މިނިސްޓްރީން "ޙާޖީ އެމްވީ" ނަމުގައި ހާއްސަ މޯބައިލް އެޕްލިކޭޝަނެއް ތަޢާރަފް ކޮށްފިއެވެ.
މި އެޕްލިކޭޝަނަކީ ޙައްޖާއި ޢުމްރާއާ ބެހޭ މަޢުލޫމާތު ފަސޭހައިން ލިބިގަތުމަށް އިސްލާމިކް މިނިސްޓްރީން ތައާރަފްކުރި އެޕެކެވެ. އެގޮތުން މި އެޕްގައި ޒިކުރުކުރުމާއި ޠަވާފާއި ސަޢުޔުގެ އަދަދު ކަށަވަރު ކުރާނެގޮތާއި ޤުރުއާނާއި ސުންނަތުން ސާބިތުވާ ދުޢާތަކާއި ޙައްޖާއި ޢުމްރާއާ ގުޅޭ މައުލޫމާތުތަކުގެ ވީޑިއޯ ހިމެނޭނެ ކަމަށް އިސްލާމިކް މިނިސްޓްރީ އިން ވަނީ ބުނެފައެވެ.
މި އެޕް ލޯންޗުކޮށްދެއްވީ އިސްލާމީކަންތައްތަކާ ބެހޭ ވުޒާރާގެ ސްޓޭޓް މިނިސްޓަރ ޑރ. މޫސާ އަންވަރު ޙަސަން އެވެ.
އިސްލާމިކް މިނިސްޓްރީން ބުނީ މައްކާ އާއި މަދީނާގެ އިސްލާމީ ތާރީޚާ ބެހޭ ވީޑިއޯ އެ އެޕުން ބެލެން ހުންނާނެ ކަމަށާއި އެޕްގައި ހިމެނޭ މައުލޫމާތުތަކަކީ އިސްލާމިކް މިނިސްޓްރީން ފާސްކޮށްފައިވާ އެއްޗެހި ކަމަށެވެ.
އިސްލާމިކް މިނިސްޓްރީ އިން ބުނީ މިއަދު ލޯންޗް ކޮށްފައިވަނީ "ޙާޖީ އެމްވީ" ގެ ފުރަތަމަ ވާޝަން ކަމަށާއި، ކުރިއަށް އޮތް ތަނުގައި މި އެޕް އިތުރަށް ތަރައްޤީ ކުރާނޭކަމަށެވެ. މިފަދަ އެޕެއް ތައާރަފްވުމުން ޙައްޖާއި ޢުމްރާގެ އަޅުކަން އަދާކުރުމަށް ފަސޭހަވެގެންދާނޭކަމަށްވެސް އިސްލާމިކް މިނިސްޓްރީން ދެކެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
