މޯލްޑިވިއަން އިން ޗައިނާއަށް ދާ އަގުތައް އާންމުކޮށް ބުކިންގ އަށް ހުޅުވާލައިފި

ގައުމީ އެއާލައިން، މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް، އޭ330 މަތިންދާބޯޓުން ޗައިނާ އަށް ކުރާ ދަތުރުތަކުގެ އަގުތައް އިއުލާންކޮށް ބުކިންގ އަށް ހުޅުވާލައިފިއެވެ.

އެގޮތުން މޯލްޑިވިއަން އިން އިއުލާން ކޮށްފައިވާ މައުލޫމާތުން އެނގޭ ގޮތުން، އެ ބޯޓުގެ ފުރަތަމަ ދަތުރު އޮންނާނީ މިމަހު 22 ވަނަ ދުވަހު ޗައިނާގެ ޗެންގްޑޫ އަށެވެ. އެ ސިޓީއަށް ދެކޮޅު ޓިކެޓެއްގެ އަގަކީ 688 ޑޮލަރު (10،610ރ.) އެވެ.

އަދި މިމަހު 24 ވަނަ ދުވަހު ބެއިޖިން އަށް ދަތުރު ފަށާއިރުބެއިޖިންގެ ދެކޮޅު ޓިކެޓެއްގެ އަގު 788 ޑޮލަރު (12،151ރ.) އަށް އަރަ އެވެ.

މީގެ އިތުރުން ޗައިނާގެ ޝެންހާއީގެ ދެކޮޅު ޓިކެޓުގެ އަގަކީ 777 ޑޮލަރު (11،981ރ.) އެވެ. ޝެންހާއީ އަށް ދަތުރުތައް ފަށާނީ މި މަހުގެ 27 ގަ އެވެ.

މިދިޔަ ހަފުތާގެ ހޯމަ ދުވަހު ގެނެވުނު އެއާބަސް އޭ330 ބޯޓުން 260 މީހުންގެ އުފުލޭނެ އެވެ. ބިޒްނަސް، ޕްރިމިއަމް އިކޮނޮމީ އަދި އިކޮނޮމީ ކްލާސް ވެސް ހާއްސަ ކޮށްފައިވާ އެ ބޯޓުން ކާގޯ އުފުލޭ ކެޕޭސިޓީއަކީ 10 ޓަނެވެ. އަދި ދަތުރުުކުރާ ކޮންމެ ފަސިންޖަރަކަށް ވެސް 40 ކިލޯގެ ބެގޭޖު އުފުލޭނެ އެވެ.