ރާއްޖޭގައި ދީނީ އިލްމު ކިޔެވުމުން، ދީނީ ނަސޭހަތް ދެވޭގޮތަށް ދަރަޖަކުރަނީ
ލިޔުންތެރިޔާ
އަބްދުﷲ ހުސައިން
ރާއްޖެއިން ދީނީ އިލްމު ކިޔަވާ މީހުނަށް ދީނީ ނަސޭހަތް ދެވޭގޮތަށް ދަރަޖަ ކުރުމުގެ ވިސްނުން ގެންގުޅުއްވާކަމަށް އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މިއަދު ކުރިއަށްދާ ފަތުވާ މަހާސިންތާ ފެށުމުގެ ރަސްމިއްޔާތުގައި ވާހަކަދައްކަވަމުން ޑރ.ޝަހީމް ވިދާޅުވީ ދިވެހިރާއްޖޭގައި ފަތުވާދިނުމާއި ދީނީ ނަސޭހަތްދިނުން ދަރަޖަކުރުމަކީ ސަރުކާރުގެ ވިސްނުމެއް ކަމަށެވެ. ޝަހީމް ވިދާޅުވީ ސަރުކާރުން ވަރަށް އަވަހަށް މިކަންކުރަން ބޭނުންވާކަމަށާއި ރާއްޖޭގައި ދިނީ އެއްބައިވަންތަކަން ގާއިމްކުރުމަށްޓަކައި މިކަމަކީ ކުރަންޖެހިފައިވާ ކަމެއްކަމަށް ދެކޭކަމަށެވެ.
މިނިސްޓަރު ޝަހީމް ވިދާޅުވީ ފަތުވާދިނުމަކީ ވަރަށް މަތީ ކަމެއް ކަމަށާއި، ޝަރީއަތުގެ ހުކުމްތައް ބަޔާންކޮށް ފަތުވާ ދިނުމަކީ ވަރަށް މަތީ ކަމެއް ކަމަށެވެ. ނަމަވެސް ރާއްޖޭގެ ޔުނިވަރސިޓީފަދަ ތަންތަނުން ދީނީ އިލްމުއުނގެނޭ މީހުންނަށް އެފުރުސަތު ނެތްކަން ފާހަގަކުރައްވަމުން މިނިސްޓަރު ވިދާޅުވީ މިހާތަނަށް މިކަން ކުރުމުގެ ފުރުސަތު އޮންނަނީ ރާއްޖެއިްނ ބޭރުގެ ޔުނިވަރސިޓީތަކުން ކިޔަވާވިދާޅުވެގެން އަންނަ އިލްމުވެރިންނަށް ކަަމަށެވެ. އެންމެކުޑަމިނުން ރާއްޖޭގެ ޔުނިވަރސިޓީތަކުން ދީނީ ތައުލީމް ކިޔަވައިގެން ނިކުންނަ މީހުންނަށް ދީނީ ނަސޭހަތރް ދިނުމުގެ ހުއްދަވެސް ނޯންނަކަމަށް ޝަހީމް ފާހަގަކުރެއްވިއެވެ.
ބައެއް ދަރިވަރުން ކިޔަވާފައިތިބެނީ އަރަބިބަހުން. އެކުދިންނަށް އަރަބި ބަސްވެސް އެނގޭ. އިނގިރޭސިބަސްވެސް އެނގޭ. މައުލޫމާތު ހޯދުމުގެ ރިފަރެންސްތަކަށް ރުޖޫއަވުމުގެ ގާބިލްކަންވެސް އެމީހުންގެ ޝަހްސިއްޔަތުގައި އެބަހުރި. އެކަމަކު އެމީހުންނަކަށް ނެތް ހުއްދައެއް. ހަމައެކަނި ހުއްދަ މި އޮންނަނީ ބޭރުގެ ޔުނިވަރސިޓީ ތަކުގައި ކިޔަވާ ބޭފުޅުންނަށް އެކަނި
މިނިސްޓަރު ޝަހީމް ވިދާޅުވިއެވެ
ޝަހީމް ވިދާޅުވީ އެހެން އެކަން އޮތުމުގެ ސަބަބުން ރާއްޖޭގެ ރަށްތަކުގައި މީހުން އިސްލާމްދީނާ ދުރުވެގެން ދަނީ އެމީހުންގެ ތެރޭގައި ދީނަށް ހިތްވަރު ދޭނޭ މީހުން ނެތީމައި ކަމަށެވެ. މިގޮތުން ކޮންމެ ސްކޫލެއްގައި އިސްލާމް ޓީޗަރެއް ހުންނައިރު އެ ފަރާތަށް ދީނީ ނަސޭހަތް ނުދެވޭކަން މިނިސްޓަރު ވިދާޅުވިއެވެ.
އަދި އެފަދަ ހާަލަތްތަކުގައިވެސް ދީނީނަސޭހަތް ދޭން ބޭނުންނަމަ ގެންނަން ޖެހެނީ ޝޭހެއް ކަމަށާއި، ޝޭހެއް ނުލިބިއްޖެނަމަ އެ އަތޮޅެއްގެ އެ ރަށެއްގައި ދީނީ ނަސޭހަތް ދެވެން ނޯންނަކަމަށް މިނިސްޓަރު ފާހަގަކުރެއްވިއެވެ. ދީނީ ނަސޭހަތްދިނުމުގެ ކަންކަން ދަރަޖަ ކުރަންޖެހެނީ މިފަދަ ސަބަބުތަކަށްޓަކައިކަން މިނިސްޓަރު ޝަހީމް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
