އަމާޒަކީ ހުރިހާ ސިޓީތަކުގައި ބައިސްކަލު ދުއްވުން ތަޢާރަފް ކުރުން: ރައީސް މުޢިއްޒު
ލިޔުންތެރިޔާ
ޚަދީޖާ އަރުފާ
ރާއްޖޭގެ ހުރިހާ ހިސާބަކަށް ތިމާވެއްޓާ ރަހުމަތްތެރި ބައިސްކަލު ތައާރަފްކުރުމަށް މަސައްކަތް ކުރައްވަމުން ގެންދަވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެއެވެ.
ބައިނަލް އަޤުވާމީ ބައިސްކަލު ދުވަހުގެ މުނާސަބަތުގައި މީސްމީޑިއާގައި ކުރެއްވި ޕޯސްޓެއްގައި ރައީސް ޑރ. މުއިއްޒު ވިދާޅުވީ، ދުނިޔޭގެ ބައިސްކަލު ދުވަސް ފާހަގަކުރުމުގެ އެންމެ މުހިންމު ބޭނުމަކީ ބައިސްކަލުން ދިރިއުޅުމާއި ތިމާވެއްޓަށް އަންނަ ހެޔޮ ބަދަލުތައް ފާހަގަކުރުންކަމަށެވެ.
އަދި ބައިސްކަލަކީ ޚަރަދުކުޑަކޮށް ދަތުރުކުރެވޭ، ދެމެހެއްޓެނިވި އަދި ތިމާވެއްޓާއި ރައްޓެހި އުޅަނދެއް ކަމަށެވެ.
”އިންޖީނުލީ އުޅަނދުފަހަރުން ރަށްރަށް ތޮއްޖެހެމުންދާއިރު ދަތުރުފަތުރުގެ ނިޒާމާއިމެދު މިހާރު މިވަނީ ވިސްނަން ޖެހިފައި. މި އަމާޒާ އެއްގޮތަށް، ރާއްޖޭގެ ހުރިހާ ސިޓީއެއްގައި ތިމާވެއްޓާއި ރައްޓެހި، ބައިސްކަލު ތައާރަފްކުރުމަށް ސަރުކާރުން ދަނީ މަސައްކަތް ކުރަމުން.“ ރައީސް މުޢިއްޒު ވިދާޅުވިއެވެ.
މިއަހަރުގެ ދުނިޔޭގެ ބައިސްކަލު ދުވަހުގެ ޝިއާރަކީ "ސައިކްލިން ފޯރ އަ ސަސްޓެއިނަބަލް ފިއުޗަރ" އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
