ރައުދާގެ މަރުގެ ތަހުގީގުގެ ތަފްސީލްތައް ހޯދަން ދިވެހި ސަރުކާރުން އެދިއްޖެ
ބަންގްލަދޭޝްގައި ތައުލީމް ހާސިލްކުރަމުން ދަނިކޮށް 2017ވަނަ އަަހަރުގެ ކުރީކޮޅުގައި ނިޔާވި ދިވެހި މޮޑެލްއެއްކަމުގައިވާ ރައުދާ އާތިފްގެ މަރުގެ ތަހުގީގުގެ ތަފްސީލް ހޯދުމަށް ދިވެހި ސަރުކާރުން ބަންގްލަދޭޝްގެ ފުލުހުންގެ ކިބައިން އެދިއްޖެއެވެ.
އެގައުމުގެ މީޑިޔާތަކުން ރިޕޯޓްކުރާ ގޮތުގައި އެމަރުގެ ތަހުގީގުގެ ހުރިހާ ތަފްސީލެއް ހޯދުމަށް ޑާކާގައި ހުންނަ ދިވެހިރާއްޖޭގެ އެމްބަސީން ވަނީ އެގައުމުގެ ފުލުހުންގެ ކިބައިން އެދިފައެވެ.
ބަންގްލަދޭޝް ފުލުހުންގެ ތަހުގީގުތަކާއިބެހޭ ބިއުރޯގެ ޗީފް އަދި ޑެޕިއުޓީ އިންސްޕެކްޓަރ ޖެނެރަލް އޮފް ޕޮލިސް ބަނާޖް ކުމާރު ބަންގްލަދޭޝްގެ މީޑިޔާތަކުގައި ބުނެފައިވަނީ ދިވެހިރާއްޖޭގެ އެމްބަސީގެ ސިޓީގައި ހިމަނާފައި ހުރި މައުލޫމާތު ވަރަށް އަވަހަށް ދިވެހި ސަރުކާރަށް ފޯރުކޮށްދިނުމުގެ މަސައްކަތް ކުރަމުން އަންނަ ކަމަށެވެ.
ރައުދާގެ މަރާއި ގުޅިގެން ބަންގްލަދޭޝްގެ ފުލުހުން ބުނެފައިވަނީ ރައުދާ މަރުވެފައިވަނީ އަމިއްލައަށް ކަމަށެވެ. ނަމަވެސް ރައުދާގެ ބައްޕަވަނީ މިކަން ގަބޫލުކުރުމަށް ދެކޮޅު ހަދައި، ކޯޓު މެދުވެރިކޮށް އޮޓޯޕްސީއެއްވެސް ހަދާފައެވެ.
ރައުދާާގެ ބައްޕަ ގަބޫލުކުރާ ގޮތުގައި ބަޔަކު ވަނީ ރައުދާ ގަސްދުގައި މަރާލާފައެވެ. މި މައްސަލައިގެ ތަހުގީގަށް ދިވެހި ފުުލުހުންގެ ދެ ފަރާތެއްވެސް ބަންގްލަދޭޝަށް ދިޔަކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
