ބޭރުގެ މަސްބޯޓެއް ކޯސްޓްގާޑުގެ ބެލުމުގެ ދަށަށް ގެނެސްފި
ލިޔުންތެރިޔާ
އަބްދުﷲ ހުސައިން
ރާއްޖޭގެ ކަނޑުގެ ސަރަަހައްދަށް ގަވާއިދާ ހިލާފަށް ބޭރުގެ މަސްބޯޓެއް ވަދެގެން އުޅެނިކޮށް ހިފަހައްޓައިފިއެވެ.
މިކަމާ ގުޅިގެން ޤައުމީ ދިފާއީ ބާރު، އެމްއެންޑީއެފުން ބުނީ، ދިވެހިރާއްޖޭގެ ޚާއްޞަ އިޤްތިސާދީ ސަރަހައްދަށް ގަވާއިދާ ޚިލާފަށް ވަދެއުޅުނު ބޭރުގެ މަސްބޯޓެއް، އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފައިވާކަމަށެވެ. އެ ބޯޓު ފެނުނީ ކ.ދިއްފުށްޓާ ދިމާ އިރުމަތިންނެވެ.
އެމްއެންޑީއެފުން ބުނީ ބޯޓު ފެނުނުއިރު، އޭގައި 6 މީހަކު ތިބިކަމަށެވެ.
އަތުލައިގަތީ ކޮން ޤައުމަކަށް ނިސްބަތްވާ ބޯޓެއްކަމެއް އެމްއެންޑީއެފަކުން ބުނެފައެއް ނުވެއެވެ. ނަމަވެސް މިގޮތަށް ގިނައިން އަތުލައިގަންނަނީ އަވައްޓެރި ޤައުމުތަކަށް ނިސްބަތްވާ މަސްބޯޓުތަކެވެ. ހާއްސަ ގޮތެއްގައި ސްރީލަންކާގެ މަސް ބޯޓުތަކެވެ.
އެމްއެންޑީއެފުން މިހާރު ވަނީ މައްސަލަ ބެލުމަށް އެ ބޯޓް ފުލުހުންނާ ހަވާލުކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
