އަމިއްލަ އިސްނެގުމަށް ހާމަކުރަންޖެހޭ މައުލޫމާތުތައް ހުރިހާ މިނިސްޓްރީއަކުން ހާމަކޮށްފި
ލިޔުންތެރިޔާ
އަހުމަދު ހަމީދު އާދަމް
އަމިއްލަ އިސްނެގުމަށް ސަރުކާރުގެ އިދާރާތަކުން ހާމަކުރަންޖެހޭ މައުލޫމާތުތައް ހުރިހާ މިނިސްޓްރީއަކުން ހާމަކޮށްފި އެވެ.
މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ސަރުކާރުގެ އިދާރާތަކުން ހާމަކުރަންޖެހޭ މައުލޫމާތުތަކެއް ވެ އެވެ. އެގޮތުން އެ މައުލޫމާތުތައް އަހަރަކު އެއް ފަހަރު އާންމުކުރަން ޖެހެ އެވެ. ނަމަވެސް 2014 ވަނަ އަހަރު އަމަލު ކުރަން ފެށި އެ ގާނޫނުގެ ދަށުން މިހާތަނަށް އެކަން ކުރެވިފައެއް ނުވެ އެވެ.
އެކަން އިންފޮމޭޝަން ކޮމިޝަނަރުގެ އޮފީހުން ވެސް ވަނީ ފާހަގަކޮށްފަ އެވެ.
ނަމަވެސް ރަައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ އަމިއްލަ އިސްނެގުމަށް ސަރުކާރުގެ އިދާރާތަކުން ހާމަކުރަންޖެހޭ މައުލޫމާތުތައް ހުރިހާ މިނިސްޓްރީއަކުން ހާމަކުރުމަށް އަންގަވާފަ އެވެ. އެ އެންގެވުމާއި އެއްގޮތަށް ހުރިހާ މިނިސްޓްރީއަކުން ވަނީ އެ މައުލޫމާތު މިއަދުގެ ނިޔަލަށް އާންމުކޮށްފަ އެވެ.
މި މަހުގެ ހަތަރުވަނަ ދުވަހުގެ ނިޔަލަށް އެޑިއުކޭޝަން, ހަޔާ އެޑިއުކޭޝަން މިނިސްޓްރީ ފިޔަވާ ހުރިހާ އިދާރާއަކުން ވަނީ މައުލޫމާތު ހާމަކޮށްފަ އެވެ. އެއީ ދައުލަތުގެ 14 މިނިސްޓްރީ އަކާއި ރައީސުލްޖުމްހޫރިއްޔާގެ އޮފީހުންނެވެ. އެޑިއުކޭޝަން, ހަޔާ އެޑިއުކޭޝަން މިނިސްޓްރީން އެ މައުލޫމާތު ހާމަކުރީ މިއަދު އެވެ.
އަމިއްލަ އިސްނެގުމަށް ސަރުކާރުގެ އިދާރާތަކުން ހާމަކުރަންޖެހޭ މައުލޫމާތުތައް ހުރިހާ މިނިސްޓްރީއަކުން ހާމަކުރުމާއި ގުޅިގެން އިންފޮމޭޝަން ކޮމިޝަނަރުވެސް ވަނީ އެކަން ފާހަގަ ކުރައްވާފަ އެވެ. އަދި އެގޮތަށް ކުރިއަށް އޮތްތާ ވެސް އަމަލު ކުރުމަށް އިލްތިމާސް ކުރެއްވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
