58 ރަށެއް އައުޓްޑޯ ޖިމް ހެދުމުގެ މަސައްކަތް އެޗްޑީސީން ފަށައިފި؛ އިތުރު 13 ރަށެއްގެ ޖިމް އަޕްގްރޭޑް ކުރަނީ
ލިޔުންތެރިޔާ
ޚަދީޖާ އަރުފާ
ރާއްޖޭގެ 58 ރަށެއްގައި އަލަށް އައުޓްޑޯ ޖިމް ގާއިމް ކޮށް، 13 ރަށެއްގެ ޖިމް އަޕްގްރޭޑް ކުރުމުގެ އަމަލީ މަސައްކަތް ހައުސިން ޑިވަލޮޕްމެންޓް ކޯޕަރޭޝަން (އެޗްޑީސީ) އިން ފަށައިފި އެވެ.
މިއީ ސަރުކާރުގެ ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ކުރިއަށްގެންދާ މަޝްރޫއެކެވެ.
އެ ޕްރޮޖެކްޓްތަކުގެ އަދާހަމަ ހާމަކޮށް އެޗްޑީސީން ބުނީ، ޖުމްލަ 71 ރަށެއްގައި އައުޓްޑޯ ޖިމް ތަރައްގީ ކުރުމުގެ މަޝްރޫއު އެޗްޑީސީން ކުރިއަށް ގެންދާ ކަމަށެވެ.
އޭގެތެރެއިން، 13 ރަށެެއްގައި މިހާރު އިކުއިޕްމަންޓް ހަރުކުރުމަށް ތައްޔާރުވެފައިވާކަމަށްވެސް ބުންޏެވެ. އެ ރަށްތަަކީ؛
ހއ. ހޯރަފުށި،
ށ. މާއުނގޫދޫ،
ށ. ބިލެއްފަހި،
ށ. ގޮއިދޫ.
ރ. ދުވާފަރު
ބ. މާޅޮސް،
ބ. ހިތާދޫ
އދ. ދިގުރަށް،
އދ. މާމިގިލި.
ފ. މަގޫދޫ.
ދ. ކުޑަހުވަދޫ
ތ. ވަންދޫ
ގއ. ވިލިގިލި
މީގެ އިތުރުން، އިތުރު 8 ރަށެއްގައި ބާރު ސްޕީޑުގައި މަސައްކަތް ކުރިއަށްދާ ކަމަށްވެސް އެޗްޑީސީން ބުނެއެވެ. އެއީ؛
އދ. ހަންޏާމީދޫ،
ބ. ދަރަވަންދޫ،
ހދ. ހަނިމާދޫ،
ހދ. ނައިވާދޫ،
އދ. ކުނބުރުދޫ،
އއ. ފެރިދޫ،
ހދ. ނެއްލައިދޫ
ރ. ރަސްމާދޫ
އެޗްޑީސީން އިތުރަށް ބުނީ، ބާކީ ހުރި ރަށްރަށުގެ ކުރެހުންތައް މިހާރު ފާސްކުރެވިފައިވާ ކަމަށާއި، އެ ރަށްރަށުގައި ވެސް އަމަލީ މަސައްކަތް ފެށުމުގެ މަރުހަލާގައިވާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
