ލަސްތަކެއް ނުވެ މި ސަރުކާރު ވެއްޓޭނެ: ނިހާން
ލަސްތަކެއް ނުވެ މި ސަރުކާރު ވެއްޓޭނެކަމަށް ޕީޕީއެމްގެ ޕީޖީ ގްރޫޕްގެ ލީޑަރ އަދި ވިލިމާލެ ދާއިރާގެ މެންބަރ އަހުމަދު ނިހާން ހުސައިން މަނިކު ވިދާޅުވެއްޖެއެވެ.
ނިހާން މިހެން ވިދާޅުވީ ރައީސް ޔާމީން ދޫކޮށްލުމަށް ގޮވާލާ ޕްރޮގްރެސިވް ކޯލިޝަނުން ކުރަމުންދާ މުޒާހަރާގެ ފޮޓޯތަކަކާއި އެކު ކުރެއްވި ޓްވީޓެއްގައެވެ.
ނިހާން ވިދާޅުވީ ގާނޫނުގެ ބޭރުން ވެރިކަން ކުރާނަމަ ރައީސް އިބްރާހިމް މުހައްމަދު ސޯލިހުގެ ސަރުކާރު ލަސްތަކެއް ނުވެ ވެއްޓޭނެކަމަށެވެ. އަދި މި ސަރުކާރަކީ ފިނޑި ސަރުކާރެއްކަމަށްބުނެ ސަރުކާރުގެ އިސްތިއުފާއަށްވެސް ނިހާން ވަނީ ގޮވާލައްވާފައެވެ.
މިރޭގެ މުޒާހަރާގައި ޕީޕީއެމް އަދި ޕީއެންސީގެ އިސްފަރާތްތަކުން ވަނީ ރައީސް ޔާމީން ދޫކޮށްލުމަށް ގޮވާލައި، މިއީ އަނިޔާވެރި ސަރުކާރެއްކަމަށްބުނެ ޝުއޫރުފާޅުކޮށްފައެވެ.
މި އެއްވުމަށް ހުރަސްއެޅުމަށް ފުލުހުން އެއްވެސް މިންވަރަކަށް ހަރަކާތްތެރިވަމުން ނުދާކަން ފާހަަގަކޮށްލެވެއެވެ. ފާާއިތުވެދިޔަ ސަރުކާރުގައި އިިދިކޮޅުން މަގުމަތީގައި ހިންގި ހަރަކާތްތައް ހުއްޓުވުމަށް ފުލުހުން މަަސައްކަތް ކުރިއިރު، މި ސަރުކާރުން އެކަން ނުކުރަނީ ޑިމޮކްރަސީގެ މިސާލު ދެއްކުމަށްކަމަށްބުނެ ސޯޝަލް މީޑިޔާގައި ގިނަ ފަރާތްތަކުން ދަނީ ޝުއޫރުފާޅުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
