ލޯންޗެއް ފަޅައިގެން ގޮސް އެތައް ބަޔަކު ކަނޑުވެއްޖެ

މާތިލާފުށިން މާލެއަށް ދަތުރު ކުރި ލޯންޗެއް ފަޅައިގެން ގޮސް އެތައް ބަޔަކު ކަނޑުވެއްޖެ އެވެ.

ފުލުހުން ބުނީ އެ ހާދިސާގެ ރިޕޯޓެއް ފުލުހުންނަށް ލިބުމާ ގުޅިގެން، މެރިން ޕޮލިސް ދަނީ ހަރަކާތްތެރިވަމުން ކަމަށެވެ. ފުލުހުން ބުނީ މި ހާދިސާ ހިނގިކަމުގެ ރިޕޯޓް ލިބުނީ މިއަދުގެ 18:04 އެހައިކަންހާއިރު އެވެ.

މިކަމާ ގުޅޭގޮތުން އެމްއެންޑީއެފުން ބުނީ، ލޯންޗެއް ފަޅައިގެންދިޔަ ހާދިސާގައި ކަނޑުވެފައިވަނީ ނޭޝަނަލް ސަރވިސް އިނީޝަލް ޓްރެއިނިންގ ކޯސް-2 ގެ ދަރިވަރުން ކަމަށެވެ. ލޯންޗު ފަޅައިގެން ދިޔައީ، މާފިލާފުށިން މާލެއަށް ދަތުރުކުރަނިކޮށް ހުޅުމާލެއާ ހިސާބުންކަމަށް އެމްއެންޑީއެފުން ބުންޏެވެ.

ލޯންޗު ފަޅައިގެންގޮސް ދިޔަވާން ފެށުމުން ކުދިން ލައިފްޖެކެޓް އެޅުވުމަށްފަހު ކަނޑަށް ބޭލި ކަމަށް އެމްއެންޑީއެފުން ވަނީ ބުނެފައެވެ.

މި ހާދިސާގައި ކަނޑުވި ބައެއް މީޙުން ފުލުހުންގެ އެހީތެރިކަމާއެކު މިހާރު ވަނީ މާލެ ގެނެސްފައެވެ.