ދިރާސީ އައު އަހަރަށް ދަރިވަރުންނަށް ބޭނުންވާ ފޮތްތައް ރަށްރަށަށް ގެންދިއުމުގެ މަސައްކަތް ފުލުހުން ފަށައިފި

ދިރާސީ އައު އަހަރުގެ ކިޔެވުން ފެށެންވާއިރަށް ދަރިވަރުންނަށް ބޭނުންވާ ފޮތްތައް ރަށްރަށަށް ގެންދިއުމުގެ މަސައްކަތް ފުލުހުން ފަށައިފިއެވެ.

‏މިހާރު ރާއްޖެއަށް ކުރަމުންދާ ވިއްސާރައާއި ގުޅިގެން ރަށްރަށަށް ބޭނުންވާ ފޮތްތައް ފޮނުވުމުގައި ދަތިތަކާއި ކުރިމަރިލާންޖެހިފައިވަނިކޮށް، ފުލުހުން އެ މަސައްކަތުގައި އެހީތެރިކަން ފޯރުކޮށްދިނުމަށް ނުމުމެފައިވާ ކަމަށް، އެ އިދާރާއިން މިއަދު އެކްސްގައި ކުރި ޕޯސްޓެއްގައި ވަނީ ހާމަކޮށްފައެވެ.

އަދި ފުލުހުން އަބަދުވެސް ތިބޭނީ ދިވެހި ރައްޔިތުންގެ ޚިދުމަތުގައި ކަމަށްވެސް އެ އިދާރާއިން ފާހަގަކޮށްފައިވެއެވެ.

ރާއްޖެއަށް މިހާރު ކުރަމުންދާ ހުޅަނގު މޫސުމުގެ ވިއްސާރައާއި ގުޅިގެން ކަނޑު ދަތުރުފަތުރު ކުރުމަށް ދަތިތަކާއި ކުރިމަތިލާން ޖެހިފައިވާއިރު، ރަށް ރަށަށް ބޭނުންވާ މުދަލާއި އެހެނިހެން ތަކެތި ފޯރުކޮށްދިނުމުގައިވެސް ދަތިތަކާއި އަންނަނީ ކުރިމަތި ވަމުންނެވެ.

އެގޮތުން، އާދިއްތަ ދުވަހު ދިރާސީ އައު އަހަރު ފެށޭއިރު، ރަށް ރަށުގެ ސްކޫލްތަކުގައި ކިޔަވަމުންދާ ދަރުވަރުންނަށް ބޭނުންވާ ޓްކްސްޓް ފޮތްތައް ފަޮރުކޮށްދިނުމުގައި ދަތުތަކާއި ވަނީ ކުރިމަތިވެފައެވެ.