ގައިންގަޔަށް އަރާ ބައްޔެއް ޖެހިފައިވާ ބިދޭސީއަކު ފިލާފައިވާތީ ހޯދަނީ

ގައިންގަޔަށް އަރާ ބައްޔެއް ޖެހިފައިވާ ބިދޭސީއަކު ވީތަނެއް ނޭންގި އޭނާގެ ހަބަރެއް ނުވުމުން ހޯދަން އިއުލާނު ކޮށްފި އެވެ.

އެ މީހާގެ ފޮޓޯއާ ވަނަވަރު ވެސް ވަނީ އާންމުކޮށްފަ އެވެ. އެއީ އުމުރުން 31 އަހަރުގެ ބަންގްލަދޭޝް މީހެކެވެ.

އެ މީހާ މަސައްކަތް ކުރާ ތަނުގެ އިސް މީހަކު ބުނީ ބިދޭސީ މީހާ ހޯދަން އިއުލާނު ކުރީ ބަންގަލްދޭޝްއަށް ދާން ފުރަން ވިލިމާލެ އިން މާލެ އައިސް އެއާޕޯޓަށް ގޮސްފައިނުވާތީ ކަމަށެވެ. އެހެން ކަމުން ބެލެވެނީ އޭނާ ގަސްތުގައި ފިލީ ކަމަށެވެ.

އެ މީހާ އަކީ 2014 ވަނަ އަހަރުން ފެށިގެން ރާއްޖޭގައި މަސައްކަތް ކުރަމުންދާ މީހެކެވެ. އެ މީހާ ގައުމަށް ފޮނުވަން ނިންމީ ދާދި ފަހުން އެ ކުންފުނީގެ މުވައްޒިފުން ހެދި ޓެސްޓްތަކަކުން އެ މީހާއަށް ގައިންގަޔަށް އަރާ ބައްޔެއް ޖެހިފައި ހުރުމުންނެވެ. އެކަން އެންްގީ ނަތީޖާ ލިބުުމުން އެޗްޕީއޭ އިންނެވެ.

އެ މީހާ ނުފުރާކަން ވެސް އެންގީ އެޗްޕީއޭ އިން ނެވެ.

ބިދޭސީ މީހާއާ ގުޅޭ އެއްވެސް މައުލޫމާތެއް އެނގޭނަމަ 7478833 އަށް ގުޅުމަށް އެދިފައިވެ އެވެ. އެ މައްސަލަ ފުލުހަށް ހުށަނާޅާ ކަމަށް ކުންފުނިން ބުނެ އެވެ.