ދިގު މުއްދަތަކަށް ދައުލަތަށް ޚިދުމަތް ކުރެއްވި މުހައްމަދުފުޅު އަވަހާރަވުމާއި ގުޅިގެން ރައީސް މުޢިއްޒުގެ ތަޢުޒިޔާ އާއިލާއަށް

ދިގު މުއްދަތަކަށް ދައުލަތަށް ޚިދުމަތް ކުރެއްވި އަލްމަރުޙޫމް މުޙައްމަދުފުޅުގެ އަވަހާރަވުމާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ތަޢުޒިޔާ ވިދާޅުވެއްޖެއެވެ.

މ. ކަރާދުނބުރިއާގެ، އަލްމަރުޙޫމް މުޙައްމަދުފުޅު އަވަހާރަވުމާ ގުޅިގެން ރައީސް މުޙައްމަދު މުޢިއްޒު އެ މަރުޙޫމްގެ އާއިލާއަށް ތަޢުޒިޔާ ފޮނުއްވައި އެކްސްގައި ކުރެއްވި ޕޯސްޓެއްގައި ވަނީ މަރުޙޫމް މުޙައްމަދުފުޅު ނިޔާވުމުގެ ހިތާމައިގައި ބައިވެރިވެ، އާއިލާއަށް ކެތްތެރިކަން މިންވަރު ކޮށްދެއްވުން އެދި ދުޢާ ކުރައްވާފައެވެ.

އަދި މާތްالله ގެ ތަނަވަސް ރަޙުމަތުގައި، ސުވަރުގޭގެ ދާއިމީ ނިޢުމަތުގައި މަރުޙޫމް މުޙައްމަދުފުޅު ލެހެއްޓެވުން އެދި ދުޢާ ކުރައްވާފައިވެއެވެ.

43 އަހަރަށްވުރެ ދިގު މުއްދަތަކަށް ސަރުކާރަށް ޚިދުމަތް ކުރައްވާފައިވާ މަރުޙޫމް މުޙައްމަދުފުޅު ސަރުކާރުގެ ޚިދުމަތުން ރިޓަޔަރ ކުރެއްވިއިރު ހުންނެވީ ރައީސުލްޖުމްހޫރިއްޔާގެ އޮފީހުގެ ސެކިއުރިޓީ އޮފިސަރެއްގެ މަޤާމުގައެވެ.