ދިވެހި އަޑު ދިވެހިއަކުރަށް ބަދަލުކުރާ “ކާތިބު” އެޕްލިކޭޝަން ނެރެފި
އެންޓިކޮރަޕްޝަން ކޮމިޝަން (އޭސީސީ) ގެ މަސައްކަތް އަވަސްކުރުމަށް، "ކާތިބު" ނަމަކަށް ކިޔާ އެޕްލިކޭޝަނެއް އިފްތިތާހު ކޮށްފިއެވެ.
އޭސީސީގެ މަސައްކަތްތައް ޑިޖިޓަލައިޒުކޮށް އޮޓޮމޭޓުކުރުމަށް ކުރިޔަށް ގެންދާ މަޝްރޫޢުގެ ދަށުން އުފެއްދި ކާތިބު އެޕްލިކޭޝަނަކީ އޭސީސީ އިން ކުރިއަށްގެންދާ ތަޙުގީގުތަކާ ގުޅުންހުރި ބަޔާންތަކާއި ކޮމިޝަނުން ބާއްވާ ބައްދަލުވުންތަކުގެ ޔައުމިއްޔާތައް އަމިއްލައަށް ލިޔާ އެޕްލިކޭޝަނެކެވެ.
މި އެޕްލިކޭޝަން އިފުތިތާހު ކުރުމަށް އޭސީސީގައި ބޭއްވި ހާއްސަ ރަސްމިއްޔާތެއްގައި މި އެޕްލިކޭޝަން އިފުތިތާހުކޮށްދެއްވާފައި ވަނީ އޭސީސީގެ ރިޓަޔަޑް ސުޕްރިންޓެންޑެންޓް އޮފް އިންވެސްޓިގޭޝަން އަބްދުލްއަޒީޒު މޫސާ އެވެ.
މި އެޕްލިކޭޝަނަކީ އާޓިފިޝަލް އިންޓެލިޖެންސްގެ އެހީގައި، ދިވެހިބަހުން ދައްކާ ވާހަކަ ވަގުތުން ލިޔުމާއި، ތަރުތީބުކޮށް ބެލެހެއްޓުމުގެ ޤާބިލުކަން ލިބިފައިވާ އެޕްލިކޭޝަނެއް ކަމަށްވެސް އޭސީސީއިން މައުލޫމާތު ދެއްވައެވެ.
ދިވެހިން ދައްކާ ވާހަކަ ލިޔުމަށް ބަދަލުކުރުމުގެ އިތުރުން މި އެޕްލިކޭޝަނުން ޔައުމިއްޔާއާއި ބަޔާން ޚުލާޞާކުރުންފަދަ އިތުރު ފީޗާތައް ވަރަށް އަވަހަށް އިތުރުކުރެވޭނެ ކަމަށް މި އެޕްލިކޭޝަން އުފެއްދި ދިވެހި ޑިވެލޮޕަރުންގެ ކުންފުނި، ސިނެޓެކްސް ޕްރައިވެޓް ލިމިޓެޑުން މަޢުލޫމާތުދެއެވެ.
މި އެޕްލިކޭޝަނުގެ ސަބަބުން، އެންޓި-ކޮރަޕްޝަން ކޮމިޝަނުގެ ޤާނޫނުން ކޮމިޝަނުގެ މައްޗަށް އޮންނަ ބައްދަލުވުންތަކުގެ ޔައުމިއްޔާ އަކުރުންއަކުރަށް ލިޔުމަށް، ކޮމިޝަނުގެ މުވައްޒަފުން ހޭދަކުރަންޖެހޭ ވަގުތު ވަރަށް ބޮޑުތަނުން ކުޑަކުރެވިގެންދާނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
