އަންހެން ހެދުން އަޅައިގެން ޓިކްޓޮކް ހަދާ މީހާގެ ފޯނާއި ލެޕްޓޮޕް ހިފަހައްޓައިފި
ލިޔުންތެރިޔާ
އަހުމަދު ހަމީދު އާދަމް
އަންހެން ހެދުން އަޅައިގެން ޓިކްޓޮކް ހަދާ މީހާގެ ފޯނާއި ލެޕްޓޮޕް ހިފަހައްޓައިފި އެވެ.
"ޔާޔާ ނަބީލް" ނަމުގައި އެއްވެސް ލަދެއް ހަޔާތެއް ނެތި ޓިކްޓޮކް ގައި އުޅެމުންދާ ދިވެހި ފިރިހެން މީހާގެ މައްސަލަ ނޫސްވެރީން އިސްވެ ސަމާލު ކަމަށް ގެންނަތާ އެތައް ދުވަހެއް ވެއްޖެ އެވެ. އެ މައްސަލާގައި ކަންބޮޑުވުން ފާޅުކޮށް އެކަމާމެދު އެޅި ފިޔަވަޅަކާ މެދު ސުވާލު ކުރާތާ އެތައް ދުވަހެއް ފަހުން ފުލުހުން މިރޭ ބުނީ "ޔާޔާ ނަބީލް" ދިރިއުޅޭ ގެ މިދިޔަ މަހުގެ 27 ވަނަ ދުވަހު ބަލާ ފާސްކޮށްފައިވާ ކަމަށެވެ.
އެ ގެ ބަލާ ފާސްކުރީ ކޯޓް އަމުރެއްގެ ދަށުންނެވެ. އެ ގެ ބަލާ ފާސްކޮށް ލެޕްޓޮޕަކާއި ފޯނެއް ފުލުހުންގެ ބެލުމުގެ ދަށަށް ގެނެސްފައިވާ ކަމަށް ވެސް ބުންޏެވެ.
އަދި ބުނީ އެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.
އަންހެން ހެދުން އަޅައިގެން ޓިކްޓޮކް ހަދާ މީހާ އެކަން ކުރާތާ އެތައް ދުވަހެއް ވެއްޖެ އެވެ. އެ މައްސަލާގައި ކުރީން ހައްޔަރު ކޮށް ޖަލަށް ވެސް ލި އެވެ. ބަންދުން ސަލާމަތްވެގެން އައިސް އަނެއްކާ އެކަން ފެށި އެވެ.
އޭނާ މިހާރު ގެންދަނީ މަޖީދީމަގުގައި ހިންގާ ފޮތި ފިހާރައެއްގައި ހުރެގެން ވެސް ޓިކްޓޮކުން ލައިވެ ހުތުރު ވައްތަރުތައް ޖައްސަމުންނެވެ. މި ވަރަށް މީހެއްގެ ނުބައިކަން ދިޔަނަމަވެސް އެ މައްސަލާގައި އެކަށީގެންވާ ފިޔަވަޅެއް އެޅިފައި ނުވާތީ އެތައް ބަޔަކު ދަނީ ފުލުހުންނަށް ވަރަށް ބޮޑަށް ފާޑުކިޔާ ކަންބޮޑުވުން ފާޅު ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
