ކަރެކްޝަންސްގެ ޖަލުތައް ފުރިއްޖެ
މޯލްޑިވްސް ކަރެކްޝަންސް ސާރވިސްގެ ބެލުމުގެ ދަށުން ހިންގަމުންދާ ޖަލުތައް ފުރިފައިވާކަމަށް އެފަރާތުން އަންގައިފިއެވެ.
މިކަން ކަރެކްޝަންސްއިން ފުލުހުންނަށް އެންގިކަން ފުލުހުން ވަނީ މީޑިޔާތަކަށް ކަށަވަރުކޮށްދީފައެވެ.
ފުލުހުންގެ ތަރުޖަމާނު އިޒްމިއާ ޒާހިރު މިރޭ ވިދާޅުވީ ކަރެކްޝަންސްގެ ޖަލުތައް ފުރި އިތުރު ކުށްވެރިން ނުލެވޭނެކަން އަންގާފައިވާ ކަމަށެވެ. އެގޮތުން މިވަގުތު ދޫނިދޫ ޖަލުގައި ހުކުމް ތަންފީޒުކުރަންޖެހޭ 50ފަރާތަކާއި ޝަރީއަތް ނިމެންދެން ބަންދުގައި ބަހައްޓަންޖެހޭ އަށް ފަރާތެއްވާކަމަށް އިޒްމިއާ ވިދާޅުވިއެވެ.
އެ ގައިދީންގެ ތެރެއިން ބައެއް ގައިދީންތައް ދަނީ ބަނޑުހައި ހޫނުކަމުގެ ހަޅުތާލެއްވެސް ކޮށްފައެވެ.
އެގޮތުން ދޫނިދޫގެ ދެ ނަންބަރު ޖަލުގައި ތިބި އަށް ފަރާތެއްވަނީ އިއްޔެގެ ވަގުތަކުން ފެށިގެން ކެއުމަށް އިންކާރުކޮށްފައެވެ. ނަމަވެސް މިއަދު ހެނދުނު އޭޭގެ ތެރެއިން ހަތް ގައިދީއަކު ވަނީ އަލުން ކާން ފަށާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
