އިސްލާމީ މަރުކަޒުގެ މުންނާރު ކައިރީ މަސްފެންގަނޑެއް ހަދަން ކުރި އިއުލާނު ބާތިލްކޮށްފި
އިސްލާމީ މަރުކަޒުގެ މުންނާރު ކައިރީ މަސްފެންގަނޑެއް ހަދަން ކުރި އިއުލާނު ބާތިލްކުރަން އަންގާފައިވާކަމަށް އިސްލާމީ ކަންތައްތަކާއި ބެހޭ ވަޒީރު ޑރ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
އިސްލާމީ މަރުކަޒަށް 40 އަހަރު ފުރުން ފާހަގަ ކުރުމުގެ ގޮތުން، މުންނާރު ކައިރީގައި މަސްފެންގަނޑެއް ހެދުމަށް އިސްލާމީ ކަންތައްތަކާއި ބެހޭ ވުޒާރާއިން އިއުލާނުކުރީ އިއްޔެއެވެ. މަސް ފެންގަނޑު ތައްޔާރު ކުރަން ބީލަން ހުށަހެޅުމަށް ހުޅުވާލީ ކުދި އަދި މެދު ފަންތީގެ ވިޔަފާރިތަކަށެވެ.
އެހެންނަމަވެސް، ވަޒީރު ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ އިގްތިޞާދީ ހާލަތު އޮތް ގޮތުން، މި ވަގުތު މިފަދަ ކަންކަން ކުރުމަކީ އެންމެ މުނާސަބު ކަމަކަށް ނުވާނެތީ، މި އިއުލާން ބާތިލު ކުރުމަށް އަންގާފައިވާކަމަށެވެ.
ވަޒީރު ޝަހީމް ވިދާޅުވީ، އެ ފެންގަނޑަކީ މަރުކަޒު އިމާރާތްކުރީއްސުރެ މުންނާރުގެ ތިރީގައި އޮންނަ ފެންގަނޑެއްކަމަށާއި، އިއުލާން ކުރީ އެ ތަން މަރާމާތު ކުރުމުގެ މަސައްކަތް ކުރިއަށް ގެންދަން ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
