ބަންގްލަދޭޝްގެ ޖަލުތަކުން ފިލި 700 ކުށްވެރިން އަދިވެސް ނުފެނޭ

ބަންގްލަދޭޝްގެ ކުރީގެ ބޮޑުވަޒީރު ޝެއިޚް ހަސީނާއާ ދެކޮޅަށް އެގައުމުގެ ދަރިވަރުން ފެށި މުޒާހަރާތަކުގެ ދުވަސްވަރު ހިނގި ހަމަނުޖެހުންތަކުގެ ތެރޭގައި ޖަލުތަކުން ފިލި 700 އަށްވުރެ ގިނަ ކުށްވެރިން އަދިވެސް ނުފެންނަ ކަމަށް އެގައުމުގެ ސަރުކާރުން ބުނެފިއެވެ.

އޭ.އެފް.ޕީއާ ވާހަކަ ދައްކަމުން ބަންގްލަދޭޝްގެ ޖަލުތަކާ ބެހޭ އެންމެ އިސްވެރިޔާ ސައީދު މުހައްމަދު މުތާހަރު ހުސައިން ބުނީ ޖަލުތަކުން 2200 އެއްހާ މީހުން ފިލި ކަމަށާއި، އޭގެ ތެރެއިން 1500 މީހުން މިހާރު އަނބުރާ ޖަލުތަކަށް ވެއްދިފައިވާކަމަށެވެ. އަދި ފިލައިގެން އުޅޭ 700 މީހުންގެ ތެރޭގައި މަރަން ހުކުމްކޮށްފައިވާ މީހުންނާއި ޓެރަރިސްޓުންގެ 70 ވަރަކަށް މީހުން ތިބިކަމަށްވެސް އޭނާ ބުންޏެވެ.

ޝައިޚް ހަސީނާ ވެރިކަމުން ދުރަށްވަޑައިގައިގަތުމަށް މަޖުބޫރުވި މުޒަހާރަތަކުގައި ބަންގަލަދޭޝްގެ 5 ޖަލެއްގައި ހަޅުތާލުކުރިއެވެ. މުޒާހަރާކުރާ މީހުންވެސް ޖަލުތަކުގެ ކޮންޓްރޯލް ނަގައި، ހިނގި ހަމަނުޖެހުންތަކުގައި ފިލިމީހުން ހޯދުމުގެ މަސައްކަތް އަދިވެސް ދަނީ ކުރިއަށެވެ. މީގެ އިތުރުން ސަރުކާރުން ބަދަލުވުމަށްފަހު ކަފާލާތުގެ ދަށުން ދޫކޮށްލި ބައެއް ޓެރަރިސްޓުންނަށްވެސް ފާރަވެރިވެ، އެމީހުންގެ ހަރަކާތްތައްވެސް ވަރަށް ކައިރިން ބަލަމުންދާކަމަށް ބަންގްލަދޭޝްގެ ފުލުހުންނާ ހަވާލާދީ އޭ.އެފް.ޕީ އިން ރިޕޯޓްކުރެއެވެ.