މުސާރަ ނުދީގެން ގިނަ އަދަދެއްގެ ބިދޭސީން ގއ. ދިގުރަށަށް އަަރައިފި

މުސާރަ ނުދޭތާ ގިނަދުވަސްތަކެއް ވުމުގެ ސަބަބުން ރިސޯޓެއް ތަރައްގީކޮށްފައިވާ ގއ.ދިގުރަށަށް ބިދޭސީންތަކެއް އަރައިފިއެވެ.

މީޑިޔާތަކަށް މައުލޫމާތު ދެމުން ފުލުހުން ބުނީ މިއަދު މެންދުރު 13:50 ގައި ބިދޭސީންތަކެއް ދިގުރަށަށް އަރައި މުޒާހަރާކުރަމުންދާތީ ފުލުހުން އެރަށަށް ގޮސްފައިިވާނެކަމަށެވެ.

އެރަށަށް ދިޔަ ބިދޭސީންނާއި ރަށުގެ މެނޭޖްމަންޓާއި މެދު ވާހަކަ ދައްކައި، މުސާރަ ދޭން އެއްބަސްވުުމުން އެ ބިދޭސީން ވަނީ ދިގުރަށުން ފައިބައިފައެވެ. މިހާރު ފުލުހުންވެސް ވަނީ އެރަށުން ފައިބައިފައެވެ.

ރާއްޖޭގެ މީޑިޔާއެއްކަމުގައިވާ "ސަން" އިން ރިޕޯޓްކުރާ ގޮތުގައި އެ ބިދޭސީންނަށް މުސާރަ ނުދޭތާ ދެމަސް ދުވަސް ވެދާނެއެވެ.

އެފަރާތްތައް ދިގުރަށާއި ގއ. މާމެންދޫ ކައިރީގައި އޮންނަ ފަޅު ރަށެއްގައި ބައިތިއްބާފައި ތިބިއިރު، އެފަރާތްތަކާއި މެދު ކަންތައް ކުރަނީ ވަރަށް އިހާނެތިކޮށްކަމަށް ވެއެވެ.

ގއ. ދިގުރަށުގައި ރިސޯޓް ތަރައްގީ ކުރަމުންދަނީ ހޮޓެލްސް އެންޑް ރިސޯޓްސް ކޮންސްޓްރަކްޝަން (އެޗްއާރްސީ) އިން އެވެ.

ކުށެއްގެ އިސްލާހް: ކުރިން މި ހަބަރުގައި އދ. ދިގުރަށްކަމަށް ލިޔެވިފައިވަނީ ކުށަކުންކަން ފާހަގަކޮށް މި ކުށަށް ކިޔުންތެރިންގެ ކިބައިން މައާފަށް އެދެމެވެ.