އެސްޑީއެފްސީގެ ޑީއެމްޑީއަކަށް މީޒާ އައްޔަންކޮށްފި

އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން، (އެސްޑީއެފްސީ)ގެ ޑެޕިއުޓީ މެނޭޖިން ޑިރެކްޓަރުކަމުގެ މަގާމަށް, ފާތިމަތު މީޒާ އާދަމް މިއަދު އައްޔަންކޮށްފިއެވެ.

މިކަން ހާމަކޮށް އެސްޑީއޭފްސީން މީސްމީޑިއާގައި ކުރި ޕޯސްޓެއްގައި ވަނީ މީޒާ އަށް މަރުހަބާ ކިޔައިފައެވެ.

ބޭންކް އޮފް މޯލްޑިވްސް (ބީއެމްއެލް)ގެ ސީނިއާ ކްރެޑިޓް އޮފަސަރެއްގެ ގޮތުގައި ގިނަ އަހަރުތަކަކަށް މަސައްކަތްކުރެއްވި މީޒާ އެންމެ ފަހުން މަސައްކަތް ކުރެއްވީ ދިވެހި އިންވެސްޓްމަންޓް ޕާޓްނާސްގެ ކޯޕަރޭޓް އެފެއާސް މެނޭޖަރު ކަމެވެ.

މީޒާ ވަނީ ޔުނިވާސިޓީ އޮފް ވެސްޓް އިންގްލޭންޑުން މާސްޓާ އޮފް ބިޒްނަސް މެނޭޖްމަންޓް (އެމްބީއޭ) ހާސިލްކުރައްވައި، އެކައުންޓިން އަދި ފައިނޭންސްގެ ދާއިރާއިން އުނިވާސިޓީ އޮފް ކޮލަމްބޯ އިން ފުރަތަމަ ޑިގްރީ ހާސިލްކުރައްވައިފައެވެ.

އެސްޑީއެފްސީގެ އީއެމްޑީގެ މަގާމަށް މީޒާ އައްޔަނު ކޮށްފައިވާއިރު، އެ ކުންފުނީގެ އެމްޑީގެ މަގާމުގައި އަދިވެސް ހުންނެވީ ކުރީ ސަރުކާރުން އައްޔަނުކުރި، އަހުމަދު ޒީނާދެވެ.