ހާރިޖީ ވަޒީރު ޑރ.ޢަބްދުﷲ ޚަލީލް، ރަސްމީ ދަތުރުފުޅެއްގައި އިންޑިއާއަށް ވަޑައިގެންފި
ލިޔުންތެރިޔާ
އަބްދުﷲ ހުސައިން
ރާއްޖޭގެ ހާރިޖީ ވަޒީރު ޑރ.ޢަބްދުﷲ ޚަލީލް، ރަސްމީ ދަތުރުފުޅެއްގައި އިންޑިއާއަށް މިއަދު ވަޑައިގެންފިއެވެ.
ހާރިޖީ ވަޒީރު އިންޑިއާއަށް މި ކުރައްވާ ދަތުރުފުޅަކީ އެޤައުމުގެ އެކްސްޓަރނަލް މިނިސްޓަރު ޑރ. އެސް ޖައިޝަންކަރުގެ ދައުވަތަކަށް ކުރައްވާ ދަތުރުފުޅެކެވެ. މިއީ މަގާމާ ހަވާލުވެ ވަޑައިގެންނެވިފަހުން ހަލީލް އިންޑިއާއަށް ކުރައްވާ ރަސްމީ ފުރަތަމަ ދަތުރުފުޅެވެ.
ދިވެހި ހާރިޖިއްޔާއިން މައުލޫމާތުދޭގޮތުގައި ހާރިޖީވަޒީރުގެ މި ދަތުރުފުޅުގައި އިންޑިއާ އާއެކު ގުޅުން ގާއިމްކުރެވިފައިވާ އެއްބަސްވުންތައް އިތުރަށް ފުޅާކޮށް ދެގައުމު ގުޅިގެން އިތުރަށް ކުރިއަށްގެންދެވޭނބެ ކަންކަމާ ގުޅޭގޮތުން މަޝްވަރާކުރައްވާނެއެވެ. މި ދަތުރުފުޅުގައި ހާރިޖީ ވަޒީރު އިންޑިއާގައި ތިންދުވަސް ހޭދަކުރައްވާނޭކަމަށް މައުލޫމާތު ލިބެއެވެ.
އިންޑިއާގެ އެކްސްޓަރނަލް މިނިސްޓަރު ޖައިޝަންކަރުގެ ދައުވަތަކަށް ހާރިޖީވަޒީރު، ޚަލީލް އިންޑިއާއަށް ވަޑައިގެންފައިވާއިރު، ޖައިޝަންކަރަކީ އިންޑިއާގެ އެންމެ ނުފޫޒުގަދަ އެއް މިނިސްޓަރެވެ. ހާރިޖީ ވަޒީރު އިންޑިއާއަށް ވަޑައިގެންފައިވާއިރު ރައީސް ޑރ.މުހައްމަދު މުއިއްޒުވެސް ވަނީ މިދިޔަ އޮކްޓޯބަރުމަހުގެ ތެރޭގައި އިންޑިއާއަށް ވަޑައިގަންނަވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
