ޖިއޯ ޓެލެކޮމް ހިއްސާގެ ބާޒާރަށް ނިކުންނަނީ

ރިލަޔަންސް އިންޑަސްޓްރީސްގެ މުވާސަލާތީ ވިޔަފާރިތައް މެނޭޖްކުރާ ޖިއޯ ޕްލެޓްފޯމްސް އަންނަ އަހަރު ހިއްސާގެ ބާޒާރަށް ނިކުންނާނެކަމަށް ރިލަޔަންސްގެ ވެރިޔާ، ބިލިއަނަރު މުކޭޝް އަމްބާނީ އިއުލާންކޮށްފިއެވެ.

100 ބިލިއަން އެމެރިކާ ޑޮލަރަށްވުރެ އަގުބޮޑުކޮށް އަގުކޮށްފައިވާ މި ކުންފުނި ހިއްސާގެ ބާޒާރަށް ނެރުމަށް މަސައްކަތްކުރާތާ އަހަރުތަކެއް ވަނީ ވެފައެވެ. 2019 ވަނަ އަހަރު އަމްބާނީ ވަނީ ފަސް އަހަރު ތެރޭ އެކުންފުނި ހިއްސާގެ ބާޒާރަށް ނިކުންނާނެކަމަށް ބުނެފައެވެ. އެހެންނަނަވެސް މިއަހަރު އެކަން ނުވާނެކަން ޖުލައި މަހު ރޮއިޓަރސްއިން ރިޕޯޓްކުރިއެވެ. އެއާއެކު، ޖިއޯ ހިއްސާގެ ބާޒާރަށް ނިކުންނެ ދުވަހަކާއިމެދު ސުވާލު އުފެދިފައިވަނިކޮށް، އެ ސުވާލުތަކަށް އަމްބާނީ މިދިޔަ ހަފްތާ ބަންދުގައި އެވަނީ ޖަވާބު ދީފައެވެ.

ޖިއޯ ޕްލެޓްފޯމްސްގެ ތެރޭގައި ހިމެނޭ ރިލަޔަންސް ޖިއޯ އިންފޯކޮމް އަކީ އިންޑިއާގެ އެންމެ ބޮޑު ޓެލެކޮމް އޮޕަރޭޓަރއެވެ. އެ ކުންފުނީގެ ކަސްޓަމަރުންގެ ތެރޭގައި 500 މިލިއަން ޔޫޒަރސް ހިމެނެއެވެ.

ޓެލެކޮމް ވިޔަފާރި ހިއްސާގެ ބާޒާރަށް ނެރުމަށް ރިލަޔަންސްއިން މަސައްކަތްކުރާއިރު، އެކުންފުނިން ގެންދަނީ އާޓިފިޝަލް އިންޓެލިޖެންސްއަށް ބޮޑެތި އިންވެސްޓްމަންޓްތަކެއް ކުރަމުންނެވެ. އެގޮތުން ފޭސްބުކްގެ މައި ކުންފުނި މެޓަ އާއި، ގޫގަލްގެ މައި ކުންފުނި އަލްފަބެޓްއާއެކު ރިލަޔަންސްއިން ގެންދަނީ އެބަސްވުންތަކަކަށް އައިސްފައެވެ.