ރާއްޖޭގައި ހުންނަ އިންޑިއާ ސަފީރު ފޮރިން މިނިސްޓްރީއަށް ހާޒިރުވާން އަންގައިފި
ސަރުކާރުގެ ނައިބު ވަޒީރުންތަކެއް އިންޑިއާޔާއި އެ ގައުމުގެ ބޮޑު ވަޒީރު ނަރެންދުރަ މޯދީއަށް ކުޑައިމީސް ކުރި މައްސަލައިގައި އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރު ރާއްޖޭގެ ފޮރިން މިނިސްޓްރީއަށް ހާޒިރުވާން އަންގައިފި އެވެ.
މުނޫ މަހާވަރު ފޮރިން މިނިސްޓްރީއަށް ހާޒިރުވާން އަންގާފައިވާކަން ވޮއިސް އަށް ވަނީ ކަށަވަރު ވެފައެވެ.
އިންޑިޔާއަށް ކުޑައިމީސް ކުރި މައްސަލާގައި އެގައުމާއި ރާއްޖެއާއި ދެމެދު އުފެދިފައިވާ ހަމަނުޖެހުންތަކާއި ގުޅިގެން، މުނޫ މަހާވަރް ފޮރިން މިނިސްޓްރީއަށް ހާޒިރު ކުރާއިރު، އެ މައްސަލާގައި ރާއްޖެއިން އިންޑިއާއަށް ކަނޑައަޅުއްވާފައި ހުންނަވާ ސަފީރު މިއަދު ވަނީ އިންޑިއާގެ އެކްސްޓާނަލް އެފެއާޒް މިނިސްޓްރީއަށް ހާޒިރުކޮށްފަ އެވެ.
މޯދީއަށް ކުޑައިމީސް ކުރި މައްސަލާގައި ގުޅިގެން، އެ މައްސަލާގައި ޝާމިލްވާ ޑެޕިއުޓީ މިނިސްޓަރުން ކަމުގައިވާ މަލްޝާ ޝަރީފާއި މަރިޔަމް ޝިއުނާ އަދި އަބްދުالله މަހްޒޫމް މާޖިދު ވަނީ އިއްޔެ ސަސްޕެންޑްކޮށްފައެވެ.
އަދި ޑެޕިއުޓީ މިނިސްޓަރުންގެ ފަރާތުން ފެނިގެން ދިޔަ އެ އަމަލަކީ ސަރުކާރުގެ ސިޔާސަތު ނޫން ކަމަށާ، އެފަދައިން ކަން ކުރާ ފަރާތްތައް މަގާމުން ވަކި ކުރުމަށް ފަސް ޖެހިވަޑައި ނުގަންނަވާނެ ކަމަށްވެސް ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
