އަމީނީމަގު މަރާމާތުކުރުމުގެ މަސައްކަތް އެމްޓީސީސީން ފަށަނީ
ލިޔުންތެރިޔާ
އަބްދުﷲ ހުސައިން
މިދިޔަ ސަރުކާރުން ތަރައްޤީކޮށް ނިންމި އަމީނީމަގު، މަރާމާތުކުރުމުގެ މަސައްކަތް ފަށަން އެމްޓީސީސީން ތައްޔާރުވެއްޖެއެވެ.
އަމީނީމަގަކީ މިދިޔަ ސަރުކާރުގައި އާރުޑީސީން ތާރުއަޅައި ނިންމާފައި އޮތް މަގެކެވެ. ނަމަވެސް މާގިނަދުވަހެއްނުވެ އެ މަގުގެ ބައެއް ސަރަހައްދު ވަނީ ވަރަށްބޮޑަށް ހަލާކުވެ އަޑިގުޑަން ހެދިފައެވެ. ހާއްސަކޮށް މާފަންނު ސްޓޭޑިއަމުން ފެށިގެން މަގުގެ ހުޅަނގަށް އޮންނަ ބައި ވަނީ އުޅަނދުފަހަރު ދުއްވަން އުނދަގޫވާވަރަށް ހަލާކުވެފައެވެ.
ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަދައްކަވަމުން އެމްޓީސީސީގެ ޖެނެރަލް މެނޭޖަރު އިބްރާހީމް ހަސަން ވިދާޅުވީ އަމީނީ މަގު ހެދުމުގެ މަސައްކަތް އަންނަ ހަފްތާގެ ތެރޭގައި ފެށުމަށް ނިންމާފައިވާކަމަށެވެ.
ހައުސިން މިނިސްޓްރީން އަމީނީމަގުގެ މަސައްކަތް އެމްޓީސީސީއާ ހަވާލުކޮށްފައިވަނީ، މިދިޔަ ޖޫންމަހުގެ 15 ވަނަ ދުވަހެވެ.
ނިމިގެންދިޔަ ރައީސް އިބްރާހިމް މުހައްމަދު ސޯލިހްގެ ސަރުކާރުން އަމީނީމަގު ތަރައްޤީކުރުމުގެ މަސައްކަތް ކޮށްފއިވަނީ 84 މިލިއަނަށްވުރެ ގިނަ ރުފިޔާގެ އަގަކަށް އާރުޑީސީއާ ހަވާލުކޮށްގެންނެވެ. މި މަސައްކަތް 2022 ވަނަ އަހަރު ފެށިގެންދިޔައިރު އަމީނީ މަގުގެ މަސައްކަތް މުޅިން ނިންމާލެވުނީ 2024 ވަނަ އަހަރުގެ ތެރޭގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
