އުއްތަމަ ފަނޑިޔާރާއި އިތުރު ދެ ފަނޑިޔާރެއްގެ މައްސަަލަ ޖޭއެސްސީއަށް!
ފޮޓޯ: ސަން އޮންލައިން
ދިވެހިރާއްޖޭގެ ސުޕްރީމް ކޯޓުގެ އުއްތަމަ ފަނޑިޔާރު ޑރ އަހުމަދު އަބްދުﷲ ދީދީ އާއި ފަނޑިޔާރު އަބްދުﷲ އަރީފު އަދި ފަނޑިޔާރު އާދަމް މުހައްމަދު އަބްދުﷲގެ ސުލޫކީ މައްސަލައެއް ޖޭއެސްސީއަށް ހުށައަޅައިފިއެވެ.
މި ތިން ފަނޑިޔާރުންނާއި ދެކޮޅަށް އަމިއްލަ ފަރާތަކުން މައްސަލަ ހުށައަޅާފައިވަނީ މިދިޔަ އަހަރުގެ ފެބްރުއަރީ މަހުގެ އެއްވަނަ ދުވަހު ސުޕްރީމް ކޯޓުން ސިޔާސީ ހައްޔަރީން ދޫކޮށްލަން ނެރުނު އަމުރުގެ ބައިތަކެއް ބާތިލްކުރުމަކީ މައްސަލައެއް ކަމަށްބުނެއެވެ.
ސުޕްރީމް ކޯޓުން ފުރަތަމަ ނެރުނު އަމުރާއި ގުޅިގެން އޭރުގެ އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ހައްޔަރުކޮށް، ކުއްލި ނުރައްކަލުގެ ހާލަތު އިއުލާާންކުރިއެވެ.
އެ އަމުރުގައިވާ ސިޔާސީ ހައްޔަރީންތައް ދޫކޮށްލުމުގެ ބައި ބާތިލްކުރެވުނީ އެ ދެ ފަނޑިޔާރުން ހައްޔަރުކުރުމަށް ފަހުގައެވެ.
ސުޕްރީމް ކޯޓުން އަމިއްލައަށް ނެރުނު އަމުރެއްގެ ބައިތައް، އެ ކޯޓުން ފަހުން އަމިއްލައަށް ބާތިލްކުރުމުން ގިނަބަޔަކު ވަނީ އެއީ ގާނޫނު އަސާސީގެ ރޫހާއި ޚިލާާފު އަަމަލެއްކަމަށް ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
