ލެޖެންޑަރީ ލަވަކިޔުންތެރިޔާ އާޝާ ބޯސްލޭ މަރުވެއްޖެ

އިންޑިއާގެ ލެޖެންޑަރީ ލަވަކިޔުންތެރިޔާ އާޝާ ބޯސްލޭ މަރުވެއްޖެ އެވެ.

އޭނާ މަރުވިކަން އާއިލާއިން ވަނީ މީޑއާތަކަށް ޔަގީންކޮށްދީފަ އެވެ. އާއިލާއިން ބުނީ އުމުރުން 92 އަހަރުގައި އާޝާ މަރުވީ ހާލު ދެރަވެ ފަރުވާ ދެމުން ދަނިކޮށް ކަމަށެވެ.

ހޮނިހިރު ދުވަހުން ފެށިގެން އޮތީ އައިސީޔޫގަ އެވެ. އޭނާގެ މާމަގެ ދަރިފުޅު ބުނީ އާޝާ އެޑްމިޓްކުރީ ހާލު ދެރަވެ  މޭގެ އިންފެކްޝަނެއް އުފެދުމުގެ ސަބަބުން ކަމަށެވެ. މަރުވީ ހާލަތު އިތުރަށް ގޯސްވެ ފަރުވާ ދެނިކޮށެވެ.

އުމުރުން 10 އަހަރުގައި ލަވަ ކިޔަން ފެށި އާޝާ އަކީ ހިންދީ ސިނަމާގައި އެންމެ ނުފޫޒު ގަދަ އެއް އަޑެވެ. އޭނާގެ ދައްތަ ލަތާއާ ދެ މީހުންނަށް މުޅި އިންޑިއާއާ ދުނިޔޭގެ އެކިކަންކޮޅުތަކުގައި ބޮޑު ސަމާލު ކަމަކާއި މީހުންގެ މަގުބޫލުކަން ލިބުނެވެ.

އާޝާގެ 82 އަހަރުގެ ލަވައިގެ ކެރިއަރުގައި އޭނާ ވަނީ އެތައް ހާސް ލަވައެއް ރެކޯޑްކޮށްފަ އެވެ. އާޝާ މަރުވިއިރު މީގެ ހަތަރު އަހަރު ކުރީން ލަތާ ވަނީ މަރުވެފަ އެވެ.