32 މީހުންނާއި އެކު ދަތުރުކުރި ފެރީއެއް ފަރަށް އަރައިފި

ނ.އަތޮޅުން ފުރައިގެން މާލެއަށް ދަތުރުކުރި ފެރީ ދޯންޏެއް ފަރަށް އަރައިފިއެވެ.

އެމްއެންޑީއެފްއިން މައުލޫމާތު ދޭގޮތުގައި ކޮންފޯޓް އެކްސްޕްރެސް އެމްއެސް1" ނަމަކަށް ކިޔާ މި ފެރީ 32 މީހުންނާއި އެކު ފަރަށް އެރީ މާލެއަށް ދަތުރުކުރަނިކޮށެވެ.

މި ފެރީ ފަރަށް އެރީ ކ. އަތޮޅު ކަގި މޯލްޑިވްސް ރިސޯޓްގެ ހުޅަނގުފަރާތު ކަނޑުއޮޅީ ފަރަށެވެ.

މި ހާދިސާގެ މަޢުލޫމާތު ކޯސްޓް ގާޑާއި، މެރިޓައިމް ރެސްކިއު ކޯރޑިނޭޝަން ސެންޓަރ (އެމްއާރުސީސީ) އަށް ލިބިފައިވަނީ މިރޭ 10:46 ހާއިރެވެ.

އެމްއެންޑީއެފް އިން ބުނީ މި ފެރީ ފަރަށް އެރި އިރު، އޭގައި 16 ފިރިހެނަކާއި 11 އަންހެނެއްގެ އިތުރުން ހަތަރު ކުޑަކުއްޖަކު ހިމެނޭހެން ޖުމްލަ 32 މީހަކު ދަތުރުކުރިކަމަށެވެ.

މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވެއެވެ.