އެސްއެމްއީ ހަބްގައި ހިންގި ވިޔަފާރިތައް ބަންދު ކުރާތީ ރައީސް ޞާލިޙްގެ ކަންބޮޑުވުން
ލިޔުންތެރިޔާ
ޚަދީޖާ އަރުފާ
ކުރީގެ ރައީސް އިބްރާހީމް މުޙަައްމަދު ޞާލިޙްގެ ވެރިކަމުގައި ކުދި ވިޔަފާރިތަކަށް، ޚާއްސަކޮށް ޒުވާނުންނަށް އަމާޒުކުށް އުފެއްދި އެސްއެމްއީ ހަބުގައި ހިންގަމުންދިޔަ ބައެއް ވިޔަފާރިތައް ބަންދުކުރަން ޖެހިފައިވާތީ އެމަނިކުފާނު ކަންބޮޑުވުންފާޅުކުރައްވައިފިއެވެ.
އެގޮތުން ރައީސް ޞާލިޙް އެކްސްގައި ކުރެއްވި ޕޯސްޓެއްގައި ވިދާޅުވީ، އެތަނުގައި ވިޔަފާރި ހިންގަމުން އަންނަ ފަރާތްތަކުގެ ވިޔަފާރި ބަންދުކޮށް ތަނުން ނުކުންނަން މި ސަރުކާރުން އަންގާފައިވާ ކަމަށެވެ. އެހެންކަމުން ތަނުގައި ހިންގަމުންދިޔަ ގިނަ ވިޔަފާރިތައް މިހާރު ބަންދު ކޮށްފައިވާ ކަމަށް އެމަނިކުފާނު ވިދާޅުވިއެވެ.
އަދި އެއީ މި ސަރުކާރުން ކުރި ވަރަށް ދެރަކަމެއް ކަމަށްވެސް ވިދާޅުވިއެވެ.
2022 ވަނަ އަހަރުގެ ޑިސެމްބަރުމަހު ހުޅުވި އެސްއެމްއީ ހަބަކީ ރާއްޖޭގައި ހިންގާ ކުދި ވިޔަފާރިއާއި މެދުފަންތީގެ ވިޔަފާރިތަކަށް ބާޒާރު ހޯދައި ދިނުމަށް ބީސީސީން ކުރަމުންދާ މަސައްކަތްތަކުގެ ތެރެއިން ހުޅުވުނު ތަނެކެވެ.
އެސްއެމްއީ ހަބްގެ ގްރައުންޑް ފްލޯގައި ސިޓީ ބޭކަރީ އާއި ކުޑަ ލައިބްރަރީއެއް ހިންގާއިރު ފުރަތަމަ އަދި ދެވަނަ ފްލޯގެ ކިއޯސްކްތަކުގައި ކުދި ވިޔަފާރިތަކުގެ ކެފޭ އާއި ފިހާރަތައް ހިންގަ އެވެ.
ނަމަވެސް، ސަރުކާރުން މިހާރު ނިންމާފައިވަނީ ގްރައުންޑް އަދި ދެ ވަނަ ފްލޯ އަށް ބަދަލުތަކެއް ގެނެސް ޑިވެލޮޕްމަންޓް ބޭންކާއި ފައިނޭންސް ސެންޓަރު އެ ދެ ފްލޯގައި ހަދާ ގޮތަށެވެ. ސަރުކާރުން ކުރިން ބުނެފައިވާގޮތުން މިގޮތަށް ކަން ކުރުމަށް އެސްއެމްއީ ހަބްގައި މިހާރު ހިންގާ ކުދި ވިޔަފާރިތައް މާލޭގެ އެހެން ތަނަކަށް ބަދަލު ކުރާ ކަމަށެވެ. އަދި ކުދި ވިޔަފާރިތައް މަގުމަތި ނުކުރައްވާނެ ކަމަށްވެސް ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
