"ފަލަޞްޠީނާއެކު ދިވެހިން"ގެ ނަމުގައި މުޅި ރާއްޖޭގައި ބޮޑު ހިނގާލުމެއް ބާއްވަނީ
"ފަލަސްޠީނާއިއެކު ދިވެހިން" ގެ ނަމުގައި މުޅި ރާއްޖޭގައި ބޮޑު ހިނގާލުމެއް ބާއްވަން ނިންމައިފި އެވެ.
މި ނިންމުން ނިންމާފައިވަނީ މިއަދު ބޭއްވި ކެބިނެޓް ބައްދަލުވުމުގައެވެ. އެ ބައްދަލުވުމުގައި "ފަލަޞްޠީނާއެކު ދިވެހިން" ގެ ނަމުގައި ހިނގާލުމެއް ބާއްވަން ނިންމާފައިވިނަމަވެސް، މި ހިނގާލުން ބާއްވާނެ ތާރީޚެއް ހާމަކޮށްފައެއް ނުވެއެވެ.
މުޅި ރާއްޖޭގައި ބޭއްވުމަށް ނިންމާފައިވާ މި ހިނގާލުން ކުރިއަށް ގެންދާނީ ސަރުކާރުގެ އިސްނެގުމުގެ މަތިން، ސަރުކާރުގެ އެކިއެކި މުވައްސަސާތަކާ ގުޅިގެންނެވެ.
މިއަދު ބޭއްވި ކެބިނެޓު ބައްދަލުވުމުގައި، ފަލަޞްޠީނުގައި ނިރުބަވެރި ޔަހޫދީން، ހިންގަމުންދާ ލާއިންސާނީ ޢަމަލުތަކާއި ދެކޮޅަށް މަސައްކަތް ކުރުމަށް ގިނަ ކަންތައްތަކެއް ކުރުމަށް ވަނީ ނިންމާފައި އެވެ.
އެގޮތުން އެންމެ މުހިންމު ކަމަކަށް، އިސްރާއީލްގެ ޕާސްޕޯޓުގައި ރާއްޖެ އެތެރެވުން ހުއްޓުވުމަށްޓަކައި ޤާނޫނުތަކަށް ގެންނަންޖެހޭ އިސްލާޙްތައް ގެނައުމަށް ނިންމަވާފައިވާކަން ފާހަގަކޮށްލެވެއެވެ.
މީގެ އިތުރުން، އދ. ގެ ރިލީފް އެންޑް ވޯރކްސް އެޖެންސީ މެދުވެރިކޮށް ފަލަޞްޠީނުގައި ޙާލުގައި ޖެހިފައިވާ ފަރާތްތަކަށް އެހީތެރިކަން ފޯރުކޮށްދިނުމަށްޓަކައި ރާއްޖޭގައި ފަންޑްރައިޒް ކުރުމުގެ ޙަރަކާތްތަކެއް ހިންގުމަށްވެސް ވަނީ ނިންމާފައި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
