ހާޖަރާގޭ ތަޅާލާނެ ބަޔަކު ހޯދަނީ

ބާވެފައިވުމުގެ ސަބަބުން ހ.ހާޖަރާގޭ ތަޅާލާނެ ބަޔަކު ހޯދުމަށް އިއުލާންކޮށްފިއެވެ.

ހައުސިންގ މިނިސްޓްރީން ކުރި އިއުލާނެއްގައި ބުނީ އެކަމަށް ޝައުގުވެރިވާ ފަރާތްތައް މާދަމާ ހެނދުނު 9:00 އަށް މިނިސްޓްރީން މައުލޫމާތު ސާފުކުރުމަށް އެދޭ ކަމަށެވެ. އަދި ބީލަން ހުޅުވުން އޮންނާނީ އަންނަ ހޯމަ ދުވަހުގެ 1:00 ޖަހާއިރުގައެވެ.

އެ މަސައްކަތަށް ހުށަހަޅާ ޖުމްލަ އަގު 250,000 ރުފިޔާއަށް ވުރެ ބޮޑުނަމަ، އެ މަސައްކަތަށް ބިޑް ސެކިއުރިޓީގެ ގޮތުގައި 2500 ރުފިޔާ ދައްކަން ޖެހޭނެކަމަށް މިިނިސްޓްރީން ވަނީ ބުނެފައެވެ.

ހާޖަރާގެއަކީ ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ބަދަލު ދިނުމަށް ފަހު ސަރުކާރަށް ނަގާފައިވާ ތަނެކެވެ.

އެސެސްމެންޓެއް ހެދުމަށް ފަހު ކުރިން މިނިސްޓްރީން ބުނި ގޮތުގައި މާލޭގައި ބާވެފައި ހުރި 11 އިމާރާތެއް އެބަ ހުއްޓެވެ. އެއީ ހާޖަރާގޭގެ އިތުރުން ހ. ރުއްދޮށިގެ އާއި މ. ރަބީއުވިލާ، ހ. އަޝްފަރު، ހ. ތަންބީ، ހ. ލޮބީ، މ. ބުރަދަމާގެ، މ. އާޝިޔާ މަންޒިލް، މ. ކައުސަރު، މއ. އެވާގްލޯރީ އަދި މއ. ކަނބާލިފަރު ގެއެވެ.