ޕެޕާ ސްޕްރޭއަކީ ހާޓްއެޓޭކް ޖެހޭ އެއްޗެއް ނޫން، އަނިޔާވި މީހާގެހާލު ރަނގަޅު: އައިޖީއެމްއެޗް
ލިޔުންތެރިޔާ
އަބްދުﷲ ހުސައިން
ރޭގެ މުޒާހަރާގެ ތެރެއިން އަނިޔާވެގެން އައިޖީއެމް ހޮސްޕިޓަލަށް ގެނައި މީހާގެ ހާލު ރަނގަޅުކަމަށް ޤައުމީ ހޮސްޕިޓަލް، އައިޖީއެމްއެޗުން ބުނެފިއެވެ.
އެމްޑީޕީން ރޭ ކުރި މުޒާހަރާގެ ތެރެއިން އަނިޔާ މުޒާހަރާގެ ބައިވެރިއަކު ވަނީ އައިޖީއެމްއެޗަށް ގެންގޮސް ފަރުވާދީފައެވެ. ސަރުކާރާ އިދިކޮޅު ބައެއް ފަރާތްތަކުން ސޯޝަލް މީޑިއާގައި ބުނެފައިވަނީ އެމީހާ ހޮސްޕިޓަލަށް ގެންގޮސްފައިވަނީ ފުލުހުން ޕެޕާ ސްޕްރޭ ޖެހުމުގެ ސަބަބުން ހާޓް އެޓޭކެއް ޖެހުމުންކަމަށެވެ. އަދި އޭނާއަށް ފަރުވާދެމުން ދަނީ އައިސީޔޫގައިކަމަށްވެސް އެފަރާތްތަކުން ވަނީ ބުނެފައެވެ.
މިކަމާ ގުޅިގެން މިރޭ އައިޖީއެމްއެޗުން ނެރުނު ބަޔާނުގައި ބުނެފައިވަނީ، ރޭ ކުރި މުޒާހަރާގައި އަނިޔާވެގެން ގެނައި މީހަކަށް ފަރުވާދީ އޭނާ ރަނގަޅުވުމުން ސިސީޔޫގައި އެޑްމިޓްކޮށްފައިވަކަމަށެވެ.
އައިޖީއެމްއެޗްގެ ބަޔާނުގައި ބުނެފައިވަނީ ހާތް އެޓޭކެއް އާއްމުގޮތެއްގައި ޖެހެނީ ސިއްހީ ކޮންމެވެސް ސަބަބަކާ ހެދި ހިތުގެ ލޭހޮޅިތައް ނުވަތަ ލޭހޮޅިއެއްބެދި، ހިތުގެ ބަޔަކަށް ލޭފޮނުވުމަށް އަންނަ ހުއްޓުމަކާ ގުޅިގެން ކަމަށެވެ. ޕެޕާ ސްޕްރޭއަކީ ސީދާ އޭގެ ޒާތުގައި ހާތް އެޓޭކެއް ޖެހޭނެ ފަދަ އެއްޗެއް ނޫންނަމަވެސް، ތަފާތު ގޮތްގޮތުން އުފުލާ ބުރައިގެ ސަބަބުން ސިއްހީ މައްސަލައެއް ހުންނަ މީހަކަށް ހާތް އެޓޭކެއް ޖެހުންފަދަ ކަމެއް ދިމާވެދާނެކަން އައިޖީއެމްއެޗުން ވަނީ ފާހަގަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
