މާލޭގައި ފެންބޮޑުވެ ނަޖިސް ބޭރުވުމުގެ ސަބަބުން 40 މީހަކު ރައްކާތެރި ތަންތަނަށް!

ފެންބޮޑުވެ ނަޖިސް ބޭރުވުމުގެ ސަބަބުން 4 ގެއަކުން 40 މީހަކު ރައްކާތެރި ތަންތަނަށް ބަދަލުކުރުމުގެ މަސައްކަތް ފަށައިފިއެވެ.

ނެޝަނަލް ޑިޒާސްޓަރ މެނޭޖްމެންޓުން އެކްސްގައި ކުރި ޕޯސްޓެއްގައި ބުނީ، ކުރީގެ ހައުސިން މިނިސްޓްރީ ހުރި ބިމުގައި އާއްމު ފަރާތްތަކަށް ވެލިބަސްތާ ދޫކުރުމުގެ އިންތިޒާމް އެއޮތޯރިޓީއާއި ⁦‪ސިޓީތަކާއި ބެހޭ އިދާރާ‬⁩އިން ހަމަޖައްސާފައިވާ ކަމަށެވެ.

އަދި އެ ހާދިސާއާއި ގުޅިގެން ފެންބޮޑުވެ ނަޖިސް ބޭރުވުމުގެ ސަބަބުން 4 ގެއަކުން 40 މީހަކު ރައްކާތެރި ތަންތަނަށް ބަދަލުކުރުމުގެ މަސައްކަތް ކުރިއަށް ގެންދާކަމަށްވެސް ބުންޏެވެ.

‏މީގެއިތުރުން، ތުލުސްދޫގައި ބޯކޮށް ވާރޭވެހި ފެންބޮޑުވެ ބައެއް ގޭތަކުން ނަޖިސް ލީކްވެގެން ރިޕޯޓްކޮށްފައިވާ ކަމަށާ މިފަދަ ހުރިހާ ހާދިސާ ތަކަށް އިޖާބަދިނުމުގެ މަސައްކަތް ކައުންސިލްތަކާއި ގުޅިގެން ކުރިއަށް ގެންދާ ކަމަށް އެ އިދާރާއިން ބުނެއެވެ.

ނަޖިސް ލީކުވުމުގެ ހާދިސާ ތަކުގެ އިތުރުން ކ. ހިންމަފުށީ، ހުރާ އަދި ގުރައިދޫ އަށް ބޯކޮށް ވާރޭވެހެމުގެ ސަބަބުން އެ ރަށްތަކުގައިވެސް ވަރަށް ބޮޑަށް ފެންބޮޑުވެ ގެތަކަށް ވަނީ ގެއްލުން ވެފައެވެ.

މިއަދު ވިއްސާރަ އަލި ވުމުގެ ނިޝާނެއް އަދި ފެންނަން ނެތް އިރު، މޫސުމާ ބެހޭ އިދާރާއިން ވަނީ، ބ އަތޮޅުން މ އަތޮޅަށް ބޯކޮށް ވާރޭ ވެހޭނެ ކަމަށް ލަފާކޮށް ރީނދޫ ސަމާލު ނެރެފައެވެ.