މަޖިލީސް ހުޅުވާ، ރިޔާސީ ބަޔާން އިއްވެވުން އަންނަ މަހުގެ ފަހެއްގައި
ލިޔުންތެރިޔާ
އަހުމަދު ހަމީދު އާދަމް
މިއަހަރުގެ ރިޔާސީ ބަޔާން، އަންނަ ފެބުރުއަރީ މަހުގެ ފަސް ވަނަ ދުވަހު އިއްވާ ގޮތަށް ނިންމައިފި އެވެ.
ރައްޔިތުންގެ މަޖިލީހުގެ އިދާާރާއިން ބުނީ 2026 ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާ ފަހެއް ފެބުރުވަރީ 2026 ވާ ބުރާސްފަތި ދުވަހުގައި ބޭއްވުމަށް ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުالله ނިންމަވާފައިވާ ކަމަށެވެ. ޖަލްސާ އޮންނާނީ އެ ދުވަހުގެ ހެނދުނު 9:00 ގައި ރައްޔިތުންގެ މަޖިލިސްކުރާ ގޭގަ އެވެ.
ގާނޫނު އަސާސީގެ 84 ވަނަ މާއްދާގައިވާ ގޮތުން ކޮންމެ އަހަރެއްގެ ރައްޔިތުންގެ މަޖިލިހުގެ ފުރަތަމަ ދައުރުގެ ފުރަތަމަ ޖަލްސާގައި ގައުމުގެ ހާލަތު ބަޔާންކޮށްދީ އަދި ޤައުމުގެ ހާލަތު އިތުރަށް ރަނގަޅު ކުރުމަށްޓަކައި ކުރަންޖެހޭ ކަމަށް ރައީސުލްޖުމްހޫރިއްޔާ އަށް ފެންނަ ކަންތައްތަކުގެ މައްޗަށް އެކުލެވޭ ރިޔާސީ ބަޔާނެއް ރައްޔިތުންގެ މަޖިލިހަށް އިއްވަން ވާނެ އެވެ.
މީގެ ކުރިން އަހަރު ތަކުގައި، މަޖިލިސް ހުޅުވައި، ރިޔާސީ ބަޔާން އިއްވާ ދުވަހަކީ އަބަދުވެސް ސަރުކާރު ބަންދު ދުވަހެކެވެ. ނަމަވެސް ރައީސް މުޢިއްޒު ވެރިކަމަށް ވަޑައިގެން އެ ދުވަހަކީ ރަސްމީ ދުވަހެއްގެ ގޮތުގައި ވަނީ ހަމަޖައްސަވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
