12 މެމްބަރުން ކޮބާ؟ މި ވެރިންނަށް ލިބުނީ ފެންކައްކާބޮލީގެ އިއްޒަތް!

03 ޖުލައި 2017 ވަނަ ދުވަހަކީ ރާއްޖޭގެ ސިޔާސީ މަސްރަޙް ސިއްސުވާލި ދުވަހެކެވެ. ރައީސް ޔާމިންގެ ބާރުގަދަ ވެރިކަމުގައި ވަރުގަދަ ރެނދެއް އެޅިގެން ދިޔަ ދުވަހެކެވެ. އިދިކޮޅު ހަރަކާތްތަކުގައި ވަރުބަލިވެ މާޔޫސްވެފައިތިބި އެތައްބަޔެއް އާރޯވެގެން ދިޔަ ދުވަހެކެވެ. "މަސީހުގެ އިތުބާރު ނެތްކަމުގެ މައްސަލަ 45 މެންބަރުގެ ސޮޔާއެކު، ޕީޕީއެމްގެ 10 މެމްބަރުން ހިމެނޭހެން މަޖިލީހަށް ވެއްދި ވެއްދުން ވެގެން ދިޔައީ ރާއްޖޭގެ ސިޔާސީ މަސްރަޙުގައި އާސިލްސިލާއެއް ފެށިގެން ދިޔަ ދުވަހަކަށެވެ.

12 މެމްބަރުންގެ ގޮނޑި ގެއްލިގެއްލިފައި ލިބިދާނެއެވެ. ލިބިފަ އިރު އަރާއިރު ގެއްލިދާނެއެވެ. ދަޢުވަތު ދީފައި މަޖިލީހަށް ދާއިރު މަޖިލީހަށް ވަނުން ހުއްޓުވައެވެ. 12 މެމްބަރުން ތިބީ މަގުމަތި ވެފައެވެ. ސިޔާސީ އޮއިވަރާއި މަސްރަޙް ބަދަލުވަމުން މިއަދު މިވަނީ މުޅި މަންޒަރު ބަދަލުވެފައެވެ.

ރައީސް ޔާމިންގެ ވަރުގަދަވެރިކަމުގައި ރެެނދުލައްވާލީ މި 12 މެންބަރުންކަމަށް ރައީސް ޔާމިންގެ އެތަކެއް ވާހަކަ ފުޅެއްގައި ވަރަށް އަސަރާއިއެކު ވަނީ ފާހަގަ ކޮށްފައެވެ. އަދި މި 12 މެމްބަރުން އެތައް ޕޯޑިޔަމް ތަކެއްގައި މިކަމަށް ފަހުރުވެރިވެ ވަނީ ވާހަކަ ދައްކާފައެވެ.

ސިޔާސީ ޕާޓީތަކުގެ އިސްވެރިންނާއި އޭރުގެ އިދިކޮޅު ލީޑަރުންގެ މެދުގައި މި 12 މެންބަރުންނަކީ އެދުވަހު ބަތޮލުންނެވެ. ލީޑަރުންގެ ބަހުންނަމަ ރައީސް ޔާމިންގެ އަނިޔާވެރި ވެރިކަން ވައްޓާލުމަށް ކުރަމުން އައި ކޮންމެ ކަމެއް ފެއިލްވަމުން ފެއިލްވަމުން އައިސް ފެނުނު އުންމީދުގެ އަލިކޮޅަކީމި 12 މެމްބަރުންގެ ހިއްވަރާއި ކެރުމެވެ. ގަބޫލުކުރަންޖެހޭ ހަޤީގަތަކީ އޭރު ރައީސްޔާމިންގެ އަރިހުގައި ތިބެ، އިދިކޮޅާ ގުޅުން މެމްބަރުން ހަމަ ތިބެފަ ގުޅުނީ ނޫންކަމެވެ. އިދިކޮޅު އިތިހާދުގެ ލީޑަރުންނާއި އެއިރު ޤައުމު އިސްލާޙްކުރުމުގެ ނަމުގައި ނަގާކިޔަން ނިކުމެ ތިބި މީހުންގެ ބަހަށް އިތުބާރުކޮށް ޔަގީންކަން ލިބިގެން ރައީސްޔާމިން ދޫކޮށް ނިކުން ބަޔެއްކަމެވެ.

ސިޔާސީމަސްރަޙް ބަދަލުވަމުންގޮސް ރައީސް ޔާމިން ކުޑަކަކޫ ޖައްސުވާ ރައީސް ޔާމިންގެ ވެރިކަން ނިމުމަކަށް ގެނެސްފިއެވެ. މި 12 މެމްބަރުންގެ ތެރެއިން ބަޔަކު ޖަލުގައި ދުވަސްތަކެއް ހޭދަކޮށް ރާއްޖޭން ބޭރުގައި އަރުވާލެވިގެން ގިނަ މެމްބަރުންތަކެއް ތިއްބެވިއެވެ.

ވެރިކަން ނިމި ދެން ފެށިގެން އައީ މަޖިލިސް އިންތިހާބުގެ ދުވަސް ވަރެވެ. ދެން އިސާހިތަކު ގަދަވެގެން ދިޔައީ "ތަބަކާ ދެކޮޅު" މިއަޑުތަކެވެ. އިދިކޮޅު ސިޔާސީ ލީޑަރުންގެ ވާހަކަ ތަކުން ދޭހަވެގެން ދިޔައީ ވަކި ވަކި މެމްބަރުން ތަކަކާއި ޑީލް ހަދާފައިވާކަމަވެ. 12 މެމްބަރުންނަށް ޓިކެޓް ދޭން ވެފައިވާ ވައުދު ދަމަހައްޓާނެކަމަށް ރައީސް މައުމޫން ފަހުވަގުތާއި ހަމައަށް ދިޔައީ ބުނަމުންނެވެ.

މިމެމްބަރުން ރައީސް ނަޝީދާއި އަދި ލީޑަރުންނާއިވެސް މަސްވަރާކުރެވިގެން ދިޔަތަން ފެނުނެވެ. އެމްޑީޕީ އެއް ދާއިރާާ ފިޔަވާ ހުރިހާދާއިރާއަކަށް ވާދަކުރަން ނިންމުމާއި އެކު މި 12 މެމްބަރުންނަށް ދެމުންއައި ޔަޤީންކަމާއި ވަޢުދު ފެނައްދިޔަތަން ފެނިގެން ދިޔައެވެ. މަޖިލިސް އިންތިހާބު ނިމި ނަތީޖާ އިއުލާން ކުރެވިގެން ދިޔައިރު ފެނިގެން ދިޔައީ 12 މެމްބަރުންގެ ތެރެއިން ސައުދަށް އެކަނި ގޮނޑި ކާމިޔާބު ގެން ދިޔަތަނެވެ.

ވޮއިސް އާއި ވާހަކަދައްކަވަމުން މީގެތެރެއިން މެމްބަރަކު ވިދާޅުވިގޮތުގައި ރައީސް ޞާލިހާއި ސިޔާސީ ލީޑަރުންގެ ކިބައިން ފެނިގެން ދަނީ ބަލައިގަނެވޭނެ ކަންކަމެއް ނޫންކަމާއި އިންތިހާބުގައި ސީދާ އިދިކޮޅަށް މަސައްކަތް ކުރައްވާފައި އެމެންބަރުން ބޭނުން ކޮށްލާލައިފާއި އެއްލާލައިފާކަމަށެވެ. މިލިބުނީ ފެންކައްކާ ބޮލީގެ އިއްޒަތްކަމަށާއި އެމްޑީޕީގައި ޓުވީޓު ކުރަން ތިބި ކުދިންނާ އިންތިހާބުން ބަލިވި މީހުން ގެންގޮސް ބޮޑެތި ވަޒީފާ ދިންއިރު އަޅުގަނޑުމެން މަތިން ހަނދާން ނައްތާލައިފި ކަމަށެވެ.

އިންތިހާބުގައި ނާކާމިޔާބުވި ސަބަބެއްކަމަށް ގިނަމެމްބަރުން ބުނަމުން ދިޔައީ ސިޔާސީ ޕާޓީތަކުގެ އިސްވެރިންނާއި ސީދާ ރައީސް އިބްރާހިމް މުޙައްމަދު ސާލިޙް މި 12 މެމްބަރުންނާއި ސިދާ ފާޅުގައި ދެކޮޅަށް ނުކުންނެވުން ކަމުގައެވެ. ބަޔެއް ދާއިރާތަކަށް މިބޭފުޅުންނާއި ދެކޮޅަށް ކެންޕޭންތަކުގައި ރައީސް ވަނީ ބައިވެރިވެ ޖަލްސާ ތަކުގައި ވާހަކަ ދައްކަވާފައެވެ.

މަޖިލިސް އިންތިހާބު ނިމި މިއަދުގެ ހާލަތަށް ބަލާއިރު މިހާރު ފެނިގެން ދާ މަންޒަރަކީ މި12 މެމްބަރުންގެ ތެރެއިން ބައެއް މެމްބަރުން އަނެއްކާވެސް ކޮޅު ބަދަލުކޮށްލައިގެން އުޅޭ މަޒަރެވެ. ކުރީގެ ރައީސް ޔާމީންގެ ބަޔެއް ހަރަކާތް ތަކުން ބަޔެއް މެމްބަރުން ފެންނަމުން ދާއިރު ކުރިޔަށް އޮތްތާންގައި އިތުރު މެމްބަރުން ގުޅިގެން މަސައްކަތް ކުރާނެ ކަމުގެ ވާހަކަތައް ދަނީ ދެކެވެމުންނެވެ.