ހަބަރު
14 Jan 2024 | 10:55
އުމްރާ އަށް ގޮސްއުޅުނު ދިވެހި އަންހެނަކު ނިޔާވެއްޖެ!
ލިޔުންތެރިޔާ
ޚަދީޖާ އަރުފާ
އުމްރާ އަށް ދިޔަ ދިވެހި އަންހެނަކު ނިޔާވެއްޖެއެވެ.
ނިޔާވެފައި ވަނީ މާލެއަށް ނިސްބަތްވާ އުމުރުން 67 އަހަރުގެ ނަޝީދާ ހުސައިނެވެ. އޭނާ ނިޔާވެފައި ވަނީ އިއްޔެގެ ވަގުތެއްގައެވެ.
ނަޝީދާ އުމްރާގެ އަޅުކަން އަދާ ކުރަން ދިޔައީ އަލް މަނާސިކް ހައްޖު އުމްރާ ގްރޫޕްގެ ހަވާލުގައެވެ.
އޭނާގެ މައްޗަށް ކަށުނަމާދު ކުރުން އޮތީ މިއަދު މެންދުރު ނަމާދަށް ފަހު މައްކާގެ އަލް މަސްޖިދުލް ޙަރަމްގައެވެ.
އުމްރާއަށް ގޮސް އުޅެނިކޮށް މިދިޔަ ޑިސެމްބަރު 25 ވަނަ ދުވަހުވެސް މީހަކު ނިޔާވެފައި ވެއެވެ. އެގޮތުން ނިޔާވެފައި ވަނީ ހދ. ހަނިމާދޫ، އަލަމާގެ، ޚާލިދް އިބްރާހިމެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
