ކޮމަންވެލްތުން ރާއްޖޭގެ މަޖިލިސް އިންތިޚާބު އޮބްޒާވްކުރާނެ!
މިއަހަރުގެ ރައްޔިތުންގެ މަޖިލީހުގެ އިންތިޚާބު އޮބްޒާވްކުރުމަށް ކޮމަންވެލްތުގެ ވަފްދެއް ރާއްޖެ އަންނަގޮތަށް ހަމަޖެހިއްޖެއެވެ.
ރާއްޖެ ކޮމަންވެލްތާއި އަލުން ގުޅުމުގެ މަސައްކަތް ކުރަމުންދާއިރު، ރާއްޖޭގެ މަޖިލިސް އިންތިޚާބު އޮބްޒާވްކުރަން އަންނަ ކޮމަންވެލްތްގެ ވަފްދުގައި އިސްކޮށް ހުންނަވާނީ ޖެމެއިކާގެ ކުރީގެ ބޮޑުވަޒީރު ބްރޫސް ގޯލްޑެން އެވެ.
މި އިންތިޚާބު އޮބްޒާވް ކުރުމަށް ކޮމަންވެލްތުގެ ވަފްދު ރާއްޖެއަށް އަންނާނީ މިމަހުގެ 30 ވަނަ ދުވަހު އެވެ. އަދި ކޮމަންވެލްތުގެ ވަފްދު ރާއްޖެ އިން ފުރުމަށް ހަމަޖެހިފައިވަނީ އޭޕްރީލް މަހުގެ 30 ވަނަ ދުވަހު އެވެ.
މި ވަފްދުން ވަނީ އިލެކްޝަންސް ކޮމިޝަނާއި، ސިޔާސީ ޕާޓީތަކާއި، މަދަނީ ޖަމިއްޔާތަކާއި، މީޑިއާ އަދި ސަލާމަތީ ބާރުތަކާއި ބައްދަލު ކުރުމަށް ހަމަޖެހިފައެވެ.
ކޮމަންވެލްތުން މީގެ ކުރިންވެސް ވަނީ ރާއްޖޭގެ ގިނަ އިންތިޚާބުތަކެއް އޮބްޒާވްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
