ކާރެއްގައި ވޭނަކުން ޖެހި ނުރައްކާތެރި އެކްސިޑެންޓެއް ހިނގައި ދެމީހަކަށް އަނިޔާވެއްޖެ!
ލިޔުންތެރިޔާ
ޚަދީޖާ އަރުފާ
ހުޅުމާލޭ ފޭސް އެކެއްގައި ކާރަކާއި ވޭނެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ހުޅުމާލޭ ފޭސް 1 ގެ ނިރޮޅު މަގު ދެވަނަ ރުއްގަނޑާ ހިސާބުން ދުއްވާފައި ދިޔަ ކާރެއްގައި ފަހަތުން އައި ވޭނެއް ޖެހުނު ވަގުތު، އެ ކާރުގައި ގޮސް ޕާކުކޮށްފައި އޮތް އެހެން ކާރެއްގައި ޖެހި އެކްސިޑެންޓެއް ހިނގާފައިވާ ކަމަށް މިއަދު ހެދުނު 6:20 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މި އެކްސިޑެންޓްގައި ކާރު އަދި ވޭން ދުއްވަން އިން މީހާއަށް ކުދިކުދި އަނިޔާ ލިބިފައިވާ ކަމަށާއި އެކްސިޑެންޓުގައި ހިމެނޭ 3 އުޅަނދަށްވެސް އެކިވަރުގެ ގެއްލުން ލިބިފައިވާކަމަށް ފުލުހުން ވަނީ ވިދާޅުވެފައެވެ.
އެގޮތުން އެކްސިޑެންޓްގައި އަނިޔާ ވެފައި ވަނީ އުމުރުން 46 އަހަރުގެ މީހަކާއި 52 އަހަރުގެ މީހަކަށް ކަމަށާ އެ ދެމީހުންނަކީވެސް ދިވެހި ފިރިހެނުން ކަމަށް އޮފިޝަލް މައުލޫމާތު ދެއްވައެވެ.
މީގެ އިތުރުން މީޑިއާ އޮފިޝަލް ވިދާޅުވީ، ކާރާއި ވޭންގެ ޑްރައިވަރުގެ އަތުގައި ލައިސަންސް އޮތް ކަމަށާ މި މައްސަލަ ފުލުހުން ތަހުޤީގު ކުރަމުންދާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
