10 މީހުންނާއެކު ދަތުރުކުރަމުންދިޔަ ދޯންޏެއް ފަރަށް އަރައިފި
ލިޔުންތެރިޔާ
ޚަދީޖާ އަރުފާ
10 މީހުންނާއެކު، ށ.ވަނގާރުން މާލެއަށް ދަތުރުކުރަމުންދިޔަ ދޯންޏެއް ރޭ ދަންވަރު ނ.ލޯފަރު ފަރަށް އަރައިފިއެވެ.
އެމްއެންޑީއެފްއިން އެކްސްގައި ކުރި ޕޯސްޓެއްގައި ބުނެފައިވާ ގޮތުން، ފަރަށް އަރާފައިވަނީ "ނަސްފަރު" ނަމަކަށް ކިޔާ 75 ފޫޓުގެ ދޯންޏެކެވެ.
މި ދޯނި ދިޔަވެފައިވާތީ، އެ ދޯންޏަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް އަދި ކޯސްޓްގާޑް ފަސްޓް ސްކޮޑްރަންއިން ހަރަކާތްތެރިވާން ފަށާފައިވާ ކަމަށް އެމްއެންޑީއެފްއިން މަޢުލޫމާތު ދީފައިވެއެވެ.
މި ހާދިސާ ހިނގިއިރު ދޯނީގައި ތިބި މީހުންގެ ހާލު ނުވަތަ އިތުރު ތަފްސީލެއް އެމްއެންޑީއެފްއިން ހާމަކޮށްފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
