ދިވެއްސަކަށް ތޫނު އެއްޗަކުން ހަމަލާ ދިން ބިދޭސީއަކު ހައްޔަރުކޮށްފި
ހުޅުމާލޭގައި ތޫނު އެއްޗަކުން މީހަކަށް ހަމަލާދިން ބިދޭސީއަކު ހައްޔަރުކޮށްފިއެވެ.
ފުލުހުން މިއަދު ހާމަކުރެއްވި ގޮތުގައި، މި ހާދިސާ ހިނގާފައިވަނީ، ހުޅުމާޅޭ ފުރަތަމަ ފިޔަވަހީގެ ލަންސިމޫ މަގުގައެވެ.
މައުލޫމާތު ލިބޭ ގޮތުގައި، ބިދޭސީ މީހަކު މިއަދު ތޫނު އެއްޗަކުން ހަމަލާ ދީފައިވަނީ މެދު އުމުރުގެ ދިވެއްސަކަށެވެ.
ފުލުހުން މައުލޫމާތު ދެއްވި ގޮތުގައި، އަނިޔާވެފައިވާ މީހާއަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުންނެވެ. އަނިޔާ ވެފައިވަނީ، އެމީހާގެ އަތަށް ކަމަށާއި ސީރިއަސް އަނިޔާއެއް ވެފައި ނުވާކަމަށްވެސް ހޮސްޕިޓަލާ ހަވާލާދީ ފުލުހުން ވިދާޅުވިއެވެ.
މި މައްސަލައާ ގުޅިގެން ބިދޭސީ މީހާ މިހާރު ފުލުހުންގެ ބެލުމުގެ ދަށަށް ގެންގޮސްފައިވާއިރު، ފުލުހުން ވިދާޅުވީ މި މައްސަލަ އިތުރަށް ތަޙްޤީގު ކުރަމުން ދާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
