އެސްޓޯނިއާގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ތަހުނިޔާ ފޮނުއްވައިފި

އެސްޓޯނިއާގެ މިނިވަން ދުވަހުގެ މުނާސަބަތުގައި، އެ ގައުމުގެ ރައީސަށާއި ބޮޑުވަޒީރަށް އަދި ރައްޔިތުންނަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަހުނިޔާ ފޮނުއްވައިފިއެވެ.

ރައީސުލްޖުމްހޫރިއްޔާ މި ތަހުނިޔާ ފޮނުއްވާފައިވަނީ އެކްސްގައި ކުރެއްވި ޕޯސްޓެއްގައެވެ. މި މެސެޖުގައި އެސްޓޯނިއާގެ ރައީސް އަލާރ ކާރިސް އާއި ބޮޑުވަޒީރު ކްރިސްޓަން މިކަލްގެ އިތުރުން އެ ގައުމުގެ ސަރުކާރަށާއި ރައްޔިތުންނަށް ދިވެހި ސަރުކާރާއި ރައްޔިތުންގެ ނަމުގައި އިޚްލާޞްތެރި ހެޔޮއެދުންތައް ވަނީ ފޮނުއްވާފައެވެ.

އަދި އެ ގައުމުގެ ރައްޔިތުންނަށް އުފާވެރި ދުވަހަކަށާއި ކުރިއަށް އޮތް އަހަރަކީ ބާއްޖަވެރި އަހަރަކަށް ވުމަށް ރައީސް އެދިވަޑައިގެންނެވިއެވެ.

ރައީސް މުޢިއްޒުގެ މެސެޖުގައި އިތުރަށް ފާހަގަކުރެއްވި ގޮތުގައި، ފާއިތުވި އަހަރުތަކުގައި ދިވެހިރާއްޖެއާއި އެސްޓޯނިއާއާ ދެމެދު އޮތް ގުޅުން ވަނީ ވަރަށް ބޮޑަށް ބަދަހިވެފައެވެ. ޚާއްޞަކޮށް ދެ ގައުމުގެ ދެމެދުގައި ކުރެވޭ މުޢާމަލާތްތައް އިތުރުވެ، އެއްގައުމު އަނެއް ގައުމަށް އޮންނަ އިތުބާރާއި ދޭދޭ ގުޅުން ވަރުގަދަވެފައިވާކަން އެމަނިކުފާނު ފާހަގަކުރެއްވިއެވެ.

ދެ ގައުމުގެ ދެމެދުގައި މިހާރު އޮތް ބަދަހި ގުޅުން ކުރިއަށް އޮތް ތަނުގައިވެސް އެގޮތުގައި ދެމެހެއްޓުމަށް މަސައްކަތް ކުރައްވާނެ ކަމުގެ ފުރިހަމަ ޔަގީންކަން ރައީސުލްޖުމްހޫރިއްޔާގެ މި މެސެޖުގައި ވަނީ ދެއްވާފައެވެ.

މިދިޔަ އަހަރު ޖަނަވަރީ މަހުގެ ތެރޭގައި ރައީސް މުޢިއްޒު ވަނީ އެސްޓޯނިއާއަށް ރަސްމީ ދަތުރުފުޅެއް ކުރައްވާފައެވެ.