މޯލްޑިވިއަންގެ ވައިޑްބޮޑީ މަތިންދާބޯޓުގެ ދަތުރުތައް ޗައިނާއަށް ފަށައިފި

މޯލްޑިވިއަން އަށް އަލަށް ގެނައި ވައިޑްބޮޑީ މަތިންދާބޯޓުގެ ދަތުރުތައް ޗައިނާއަށް ފަށައިފިއެވެ.

މީގެ ކުރިން ދަތުރުފަތުރާއި މަދަނީ އުދުހުންތަކާއި ބެހޭ ވަޒީރު، މުހައްމަދު އަމީން ވަނީ މިމަހުގެ 21 ވަނަ ދުވަހު އެ މަތިންދާބޯޓުގެ ދަތުރުތައް ޗައިނާގެ ޗެންޑޫއަށް ދިޔުމަށް ހަމަޖެހިފައިވާކަން ހާމަކޮށްފައެވެ.

އެއާއިއެކު، އެ ބޯޓުގައި ޗައިނާގެ ޗެންޑޫއަށް ކުރި ފުރަތަމަ ދަތުރުގައި 52 ފަސިންޖަރުން ޗައިނާއަށް ދަތުރުކޮށްފައިވާއިރު، އޭގެތެރެއިން 32 މީހުންނަކީ ފަތުރުވެރިންނެވެ.

މޯލްޑިވިއަންގެ ދަތުރުތައް ޗައިނާއަށް ފެށުމާއި ގުޅިގެން މޯލްޑިވިއަންގެ ދަތުރުތައް ޗައިނާއަށް ފެށުމާއިއެކު، ޓިކެޓް އގުހެޔޮ ފެއާއެއް ވަނީ ފަށާފައެވެ.

މިކަމާއި ގުޅޭގޮތުން، މޯލްޑިވިއަން ހޮލިޑޭސްގެ ޖެނެރަލް މެނޭޖަރ ރިޒަވޭޝަން އެންޑް ޓިކެޓިން އައިމިނަތު ސަމީހާ ވިދާޅުވީ، މި ފެއަރގެ ދަށުން ޓިކެޓް ވިއްކަމުންދަނީ މާކެޓްގައި ލިބެން ހުރި އަގަށްވުރެ  %30 އާއި %50 އިންސައްތައާއި ދެމެދު އަގުހެޔޮކޮށް ކަމަށާއި،  ބޭނުންނަމަ އެއް މަންޒިލަށް ގޮއްސަ އަނެއް މަންޒިލުން ރިޓާންވެސް ކުރެވޭނެކަމަށެވެ.

ސަމީހާ ވިދާޅުވިގޮތުގައި، މިވަގުތު އޮންނަނީ ހޯމަ، ބުދަ އަދި ހުކުރު ދުވަސް ހިމެނޭހެން ހަފްތާއަކު 3 ފްލައިޓެވެ.

"ގާތްގަނޑަކަށް މާކެޓްގައި އުޅޭ ރޭޓްތަކަށް ބަލާއިރު %30 އާއި %50 ދަށްކޮށް އަޅުގަނޑުމެން މިހާރު މިފަށަނީ ދަތުރުތައް. ބޭނުންނަމަ އެއް މަންޒިލަށް ގޮއްސަ އަނެއް މަންޒިލުން ރިޓާންވެސް ކުރެވޭގޮތައް އޮންނާނީ،"

ސަމީހާ ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ރިޔާސީ ވައުދުފުޅުގެ ދަށުން މިމަހުގެ 6 ވަނަ ދުވަހު ގެނައި ވައިޑް-ބޮޑީ މަތިންދާ ބޯޓަކީ 264 މީހުންގެ ޖާގައިގެ އެއަރބަސް އޭ330ގެ 200 ވޭރިއަންޓްގެ މަތިންދާ ބޯޓެކެވެ.

ޖުމްލަ 260 މީހުންގެ ޖާގައިގެ މި ބޯޓަކީ  ބިޒްނަސް، ޕްރިމިއަމް އިކޮނޮމީ އަދި އިކޮނޮމީ ކްލާސް ހިމެނޭ މަތިންދާބޯޓެކެވެ.

މި ބޯޓުގެ ދަތުރުތައް މިމަހު 24 ވަނަ ދުވަހު ބެއިޖިން އަށް ދަތުރު ފަށާއިރުބެއިޖިންގެ ދެކޮޅު ޓިކެޓެއްގެ އަގު 788 ޑޮލަރު (12،151ރ.) އަށް އަރަ އެވެ.

މީގެ އިތުރުން ޗައިނާގެ ޝެންހާއީގެ ދެކޮޅު ޓިކެޓުގެ އަގަކީ 777 ޑޮލަރު (11،981ރ.) އެވެ. ޝެންހާއީ އަށް ދަތުރުތައް ފަށާނީ މި މަހުގެ 27 ގަ އެވެ.