މަޖިލިސް މެޖޯރިޓީ ނުލިބިއްޖެ ނަމަ ބަޣާވާތަކާއި ދިމާލަށް މިސްރާބު ޖަހާނެ: ރައީސް
ރައީސް ސޯލިޙް ވިދާޅުވި ގޮތުގައި މަޖިލިސް އިންތިހާބުގައި ސަރުކާރުގެ ސަރުކާރުގެ ސިޔާސަތުތަކަށް ތާއީދުކުރައްވާ ކެންޑިޑޭޓުން ނެތް ނަމަ ސަރުކާރު ހުއްޓި ވައުދުތައް ނުފުއްދި ގައުމު އަނެއްކާ ވެސް ބޮޑު ބަޢާވާތަކަށް މިސްރާބުޖަހާނެ ކަމަށެވެ.
ރައީސް ސޯލިޙް ވިދާޅުވި ގޮތުގައި ރައްޔިތުންގެ މަޖިލީހުގައި ތިބެންވާނީ "އެޖެންޑާ19" އަށް ތާޢީދު ކުރައްވާ މެންބަރުން ކަމަށެވެ.
2012 ވަނަ އަހަރު އެމްޑީޕީގެ ވެރިކަން ބަދަލުވި ހާދިސާއަށް އިޝާރާތް ކުރައްވައި ރައީސް ސޯލިޙް ވިދާޅުވި ގޮތުގައި މާޒީގައި ވެގެންދިޔަ ކަންތައްތައް ތަކުރާރުވިޔަ ނުދީ ސަރުކާރުންވެފައިވާ ވައުދުތައް ފުއްދުމަށްޓަކައި ރައްޔިތުންގެ މަޖިލީހުގެ މެޖޯރިޓީ ލިބެންޖެހޭ ކަމަށެވެ.
"ވައުދުތައް ފުއްދުމަށްޓަކައި އަޅުގަނޑުމެންގެ ސިޔާސަތުތައް ގަބޫލުކުރާ މެމްބަރުން ހޮވުމަކީ ވަރަށް މުހިންމު ކަމެއް" ރައީސް ސޯލިހު ވިދާޅުވިއެވެ.
އަދި މަޖިލީހުން ސަރުކާރުގެ ވައުދުތަކަށް ތާއީދުނުކުރާނަމަ އަނެއްކާވެސް ވެރިކަންވައްޓައިލައި ގައުމު އެތައް އަހަރަކަށް ފަހަތަށް ޖެހިގެންދާނެ ކަމަށް ވެސް ރައީސް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
