ފިތުރު ޢީދު ދުވަހު ރައީސް ޑރ.މުއިއްޒުގެ ދެކަނބަލުން ޢީދު ސަލާން ކުރެއްވުން އޮންނާނެ!
މި އަހަރުގެ ފިތުރު އީދު ދުވަހުގެ ހެނދުނު، ރައީސުލްޖުމްހޫރިއްޔާ ޑރ.މުހައްމަދު މުއިއްޒު އާއި އެމަނިކުފާނުގެ އަނބިކަބަލުން ސާޖިދާ މުޙައްމަދު، ޢީދު ސަލާން ކުރެއްވުން އޮންނާނެ ކަމަށް ރައީސް އޮފީހުން ބުނެފިއެވެ.
ރައީސް އޮފީހުން ބުނީ، ރައީސް ޑރ.މުއިއްޒުގެ ދެ ކަނބަލުން ޢީދު ސަލާމް ކުރުން ކުރިއަށްދާނީ ޢީދު ދުވަހުގެ ހެނދުނު 9:30 ން 10:30 އަށް ރައީސުލްޖުމްހޫރިއްޔާގެ ރަސްމީ ގެ، މުލީއާގޭގައި ކަމަށެވެ.
މި ސަލާމް ކުރެއްވުމުގައި އެންމެހައި ލޮބުވެތި ރައްޔިތުންނަށާއި، ދައުލަތުގެ އެކި މަގާމުތަކުގައި ތިއްބެވި ބޭފުޅުންނަށާއި، ބޭރުގެ ޢިއްޒަތްތެރިންނަށާއި، ރާއްޖޭގެ އެކި ކުންފުނިތަކާއި، އަމިއްލަ އެކިއެކި ޖަމުޢިއްޔާ ޖަމާޢަތްތަކުގެ މަންދޫބުން ހިމެނޭހެން ޢާއިލާތަކާއެކު ވީހާވެސް ގިނަ އަދަދެއްގެ ކުޑަކުދިންނާއި، ވީހާވެސް ގިނަ އަދަދެއްގެ ޒުވާނުން ބައިވެރިވުމަށް ރައީސް ޑރ.މުއިއްޒުގެ ދެކަނބަލުން ދައުވަތު އަރުއްވައެވެ.
ރައީސް ޑރ.މުއިއްޒުގެ ދެކަނބަލުންނާއި އެކު ޢީދު ސަލާމް ކުރުމަށް އަންނަ ފަރާތްތަކުން މުލިއާ ގެއަށް ވަނުމަށް ހަމަޖެހިފައިވަނީ މެދުޒިޔާރަތް މަގަށް ހުންނަ މުލީއާގޭ ބޮޑު ދޮރޯށިން ކަމަށާއި، މުލިއާ ގެއަށް ވަދެވޭނީ ޝަހީދު ޢަބްދުﷲ ޒުހައިރު ހިނގުމުން މެދުޒިޔާރަތް މަގުން ކަމަށް ރައީސް އޮފީހުން މައުލޫމާތު ދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
