އަޅުގަނޑު ތާއިދުކުރާނީ އެމްޑީޕީގެ ކެނޑިޑޭޓުންނަށް: ރައީސް ނަޝީދު

މިފަހަރުގެ ރައްޔިތުންގެ މަޖިލީހުގެ އިންތިޚާބުގައި ކުރީގެ ރައީސް މުހައްމަދު ނަޝީދު ތާއިދުކުރައްވާނީ ހަމައެކަނި އެމްޑީޕީގެ ކެނޑިޑޭޓުންނަށްކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ މަޖިލިސް އިންތިޚާބުގައި ވާދަކުރައްވާ އެމްޑީޕީގެ ކެނޑިޑޭޓުންނާއި އަމީނިއްޔާ ސްކޫލްގައި ބައްދަލުކުރައްވާ ވާހަކަފުޅު ދައްކަވަމުންނެވެ.

ރައީސް ނަޝީދު ވިދާޅުވީ އެމްޑީޕީގެ ކެންޑިޑޭޓުންނަކީ ހޮވިއްޖެނަމަ މި ކަންތައްތައް ރައްޔިތުންނަށްޓަކާ ފުރިހަމައަށް ކޮށްދޭނެ ބައެއްކަމަށާއި އެހެންކަމުން އެމަނިކުފާނަށް ތާއިދުކުރެވޭނީ އެމްޑީޕީގެ ކެންޑިޑޭޓުންނަށްކަމަށެވެ.

އެމަނިކުފާނު އިތުރަށް ވިދާާޅުވީ އެމްޑީޕީ އަކީ ކެމްޕޭން ކުރުމާއި އިންތިހާބު ކާމިޔާބު ކުރުމަށްވެސް ދަންނަ ޕާޓީއެއް ކަމަށެވެ. އަދި އެމްޑީޕީގެ އެޖެންޑާ 19 ގެ ހުރިހާ ކެމްޕޭން ހަރަކާތްތަކުގައި އަމަލީގޮތުން ބައިވެރިވެވަޑައިގަންނަވާނެކަމަށް ރައީސް ނަޝީދު ވަނީ ހާމަކުރައްވާފައެވެ.

"އަޅުގަނޑަކީ އެމްޑީޕީގެ މެމްބަރެއް. އަޅުގަނޑަކީ ތި ބޭފުޅުންގެ ކެމްޕޭނުގައި ބައިވެރިވެ ހުރި މީހެއް" ރައީސް ނަޝީދު ވިދާޅުވިއެވެ.